大圍小館

营业中

休息中

听讲好出名，所以入嚟试吓。望落个点心纸，好多嘢都几吸引。款式唔算多，断估系每样都会做得好精。递咗张点心纸俾职员之后，三个字之后先入机比单我哋，咁我当佢好多人好忙啦，我哋都唔赶时间。1. 鸳鸯腊肠卷：普，冇乜特别，纯粹冇食过，所以叫嚟试吓。同大家乐大快活啲腊肠差唔多，但系佢收我$53，大跌眼镜。2. 奶皇包：味道正常，口感一般。包皮来略嫌厚，第一啖以为自己食紧馒头，有成寸都系包，唐记个包都好食过佢。个馅有啲沙沙地，都叫做识流心。蛋黄味唔重，奶味都唔岀，唔会大家抢戏，因为都唔香。3. 金沙豆腐：渣。你炸到皮肉分离俾我，个皮咁厚都包唔实个豆腐，咁你想点？仲要冇咸蛋黄味。垫底成啖油，都唔知系你揸得唔够干爽，定系咩。4. 千层糕：普，个样黄色白色咁系几吸引，但食落去就完全唔系𠮶回事。都系𠮶个问题，咸蛋黄冇咸蛋黄味，我当你系糕点想整甜啲啦，但系又唔甜㖞，一咬落去碎开晒。中间仲有红豆绿豆，我个人系几唔钟意，影响口感，又唔系特别有味，有1秒以为系老鼠屎。5. 虾饺：正常，系佢最正常𠮶样嘢。6.辣椒又几好。