屯の大阪章魚燒 (已結業)

本身好少机会入屯门，今次有机会去屯门，见到附近有间好出名既章鱼烧，当然要去试下，但估唔到买一盒章鱼烧要等成45分钟，见佢咁受欢迎等一次半次都无妨。系周围行到脚断先过左一阵，虽然系即叫即烧，但一个小食类既食物要等咁长时间真系有啲扣分，唔等都等左一段时间，点都顶埋去。终于都等到，可以食得，外型都几吸引，仲有好多木鱼丝。一试之后，发觉无想像中咁好食，中间只系得一粒章鱼无其他野，虽然章鱼烧个心软绵绵，但外皮唔够脆，而且沙律酱同烧汁可以再多少少，因为觉得唔系几够味。只可以讲同日本食到既章鱼烧好似，但唔系我食过最好食既章鱼烧。