真香蛋卷

营业中

休息中

之前读书嘅时候都见到有一间蛋卷舖， 系一条街嘅中间位一路喺度卷蛋卷 ，今日难得再入返去元朗而且途经附近添，所以都忍唔住同咗男人过去睇 ，依然都系有阿婆同埋一个男人喺度手工卷蛋卷 。最后我哋嗌咗一盒细嘅蛋卷，同埋一盒细嘅肉松凤凰卷返到屋企。开咗 蛋卷 ， 食落都几脆口，但系鸡蛋味唔够，以28蚊嚟讲得八条其实价钱都几贵。 之后买咗一盒凤凰卷畀阿爸 ，阿爸食落去都觉得个蛋味唔够， 而且材料好少，讲真如果唔讲都唔知入面有肉松嘅成分， 整体嚟讲只属一般 。 可能之前还想比较太好食…… 但其实佢仲有其他唔同嘅怀旧小食，虽然马仔唔系佢整，但系食落去唔算太甜，味道啱啱好 价钱三蚊一大嚿都几抵食。