影片
更多
2022-11-01
232 浏览
呢间饺子专门店绝对系网上大人气，话佢除咗饺子好食之余，仲系被饺子耽误嘅日式芝士蛋糕店，我作为一个饺子粉丝都慕名而来，可惜食后感有啲不似预期。 一场嚟到，当然想试晒佢嘅名物，于是拣咗S2套餐，有8只饺子加日本饭团。饺子拣咗芫茜同洋葱煎饺双拼。煎饺一上到枱，睇卖相已经有少许失望，因为颜色唔均匀，亦未去到见到都觉得脆嘅金黄色。食落口同视觉一致，唔算好香口同脆，皮既唔系薄，亦都唔系烟韧，有少少两头唔到岸。好在馅料几出色，菜肉比例适中，洋葱饺尤其好味，用咗味道更甜嘅紫洋葱，粒粒大小适中，亦保留咗爽脆口感。跟住就食日本饭团，用日本米做，睇得出加咗酱油同芝麻调味（点解话睇得出？因为唔系太食得出…），馅料有牛蒡同肉粒，份量细细唔会好滞，但表现冇乜亮点…枱枱都嗌而又限量嘅日式芝士蛋糕，冇理由唔试埋佢！口感滑溜，但芝士味唔算好浓，都系中规中矩，feel唔到网上讲嘅惊艳…总括嚟讲食物唔系差，只系全部都同我期望有落差，所有嘢都只系稳阵水准，毫无惊喜，有啲失望☹️不过，我仍然会推介洋葱猪肉饺👍🏻
一场嚟到，当然想试晒佢嘅名物，于是拣咗S2套餐，有8只饺子加日本饭团。饺子拣咗芫茜同洋葱煎饺双拼。
煎饺一上到枱，睇卖相已经有少许失望，因为颜色唔均匀，亦未去到见到都觉得脆嘅金黄色。食落口同视觉一致，唔算好香口同脆，皮既唔系薄，亦都唔系烟韧，有少少两头唔到岸。好在馅料几出色，菜肉比例适中，洋葱饺尤其好味，用咗味道更甜嘅紫洋葱，粒粒大小适中，亦保留咗爽脆口感。
跟住就食日本饭团，用日本米做，睇得出加咗酱油同芝麻调味（点解话睇得出？因为唔系太食得出…），馅料有牛蒡同肉粒，份量细细唔会好滞，但表现冇乜亮点…
枱枱都嗌而又限量嘅日式芝士蛋糕，冇理由唔试埋佢！口感滑溜，但芝士味唔算好浓，都系中规中矩，feel唔到网上讲嘅惊艳…
总括嚟讲食物唔系差，只系全部都同我期望有落差，所有嘢都只系稳阵水准，毫无惊喜，有啲失望☹️不过，我仍然会推介洋葱猪肉饺👍🏻
张贴
