麵包新語 & 土司工坊 (已結業)

一直都想帮衬，既然今日行过，肚子又装得落，就走入去试一次...次次行过都系排长龙，今日一样唔例外，但喺排长龙期间，一啲都唔会闷，因为有即场表演睇---拉茶表演，睇住果个人将咖啡、红茶喺呢个壸倒落另一个壸，好似拉丝带咁，愈拉愈长，手势利落，一个字形容哂.："劲"...唔知佢一日到黑要整几多杯呢？真系辛苦哂...我order咗一客肉松土司&两只煎蛋，盛惠$19...土司嚟到，有啲奇怪嘅感觉，点解好似冇咁忽嘅？同网友post出嚟嘅靓样有啲出入㖞，一时失手？嗯...算啦，都系味道最紧要...肉松好松，又够甘香，土司系脆口嘅，配埋炼奶(冇三聚氰胺呱...)都几好食...但可能俾一众网友赞得太紧要啦，令我期望过高，所以食落会有啲"不外如是"嘅感觉...煎蛋嘛，即叫即整，实在唔明点解唔够热，我自己煎仲正...下次可以悭返...嗯...有冇下次呢？相信要睇心情啦...