太興 (已結業)

说真的，阿猪真系第一次食太兴，食饭时间经过的太兴永远都好多人排队，阿猪真系唔想排。今日个个都出哂去做野，中午经理话请我地几个女既食饭，五女一男一齐出黎食，有成班美女陪佢食饭，不知几开心。唔知边个话想去食太兴，所以就黎啦！之前成日听人讲太兴几好食点好食，所以好期待。入到黎到餐牌原来都唔平哦，我就叫左个福建炒饭，配奶茶。福建炒饭上枱，自己啤心入面哗左一声，个碟好大…但份量好少。配料都几多，勾茨挺好，够杰。炒饭炒得唔够干身，配上汁同料，口感略差，惟调味适中，唔会过咸。值得一赞既系虾仁好爽口，虽然只有几只。听人讲黎太兴一定要叫冰镇奶茶，杯奶茶用个胶碗揾d冰围住，石以keep住冰冻，又唔会令奶茶味变淡。个人觉甜度适中，够滑但茶味不够浓涩，偏奶。食食下同事话原来可以叫佢少奶，咁茶味就会浓一点。下次真系要留意先得，原来可以咁叫既，嘿嘿…Btw，呢度既服务真系好麻麻，系咁催你落单，但落左单之后就唔理你。念住叫佢加单，见人觉手当睇唔到，几次后，同事都费时再叫啦，话留肚食下午茶算啦。