太興 (已結業)

Had the steamed fish with black beans, stir fried broccoli with fish fillet and soup (chicken with dried scallop and red dates). The fish was really nice and perfectly steamed. Not too dry and the black beans definitely helped lift the flavor. The veggie was also good and well seasoned. The soup was a bit fatty, likely from the chicken skin but otherwise tasty. A good place for quick Chinese dinner with good price

晚餐同屋企人去咗太興食燒味 佢哋做緊優惠晚市消息滿150 可以用半價($34)就食到太興叉燒重可以免費升級做金箔叉燒 我哋嗌左 豆腐海鮮煲，西蘭花魚柳，燒鵝，雞，同埋金箔叉燒。豆腐海鮮煲同西蘭花魚柳都正常發揮。反而值得一提最有記憶點嘅係燒鵝同雞，燒鵝應該係用柴火嚟燒，有一陣柴火味，味道好特別，燒得都幾好，唔會太柴，依然保持到肉汁，唔錯。然後個雞，非常滑，好好食😋最後個金箔叉燒都ok 上枱都幾靚，都有幾多金箔。同埋個配菜係木耳 有一陣 柚子味 都幾清新 幾夾。

收工唔想翻屋企等食，但又唔想使咁多錢，可能考慮下最近葵芳呢間太興做緊折扣小菜，半只雞同一條魚先係100蚊多少少。雞整得好鮮嫩，魚如圖竟然好大條，而且肉質絕對新鮮好結實，比一般茶餐廳質素要好了不少會再來

太興葵芳興芳路223號新都會廣場6樓611-620號舖今日又專登出左黎<太興>開餐，主要係因為有2張現金券就快過期啦，所以緊係要快d用埋佢啦葵芳呢間分店係新都會廣場地鐵一出黎就到好方便，不過鋪頭既位置就有d隱蔽啦，要上到商場嘅6樓，但係今日8點鬆d黎到都仲有好多食客 梅菜扣肉煲---都幾大份扣肉肥瘦分明，岩岩好。。 完全唔會淨係得肥肉，唔使怕食落會覺得太膩，而墊係底既梅菜索晒扣肉既精華，用黎撈飯食岩晒 椰香咖哩牛腩飯---好香濃既咖喱，而 牛腩都煮到好冧唔會太硬，值得一讚瑞士汁牛柳絲炒河--- 唔同一般嘅乾炒牛河，加入左瑞士汁黎炒即刻加晒分，好似昇華左咁飲品都一樣係咁出色，飲埋冰鎮奶茶同埋忌廉紅豆冰，咁就好滿足啦

五一假期, 當然要外出活動一下啦. 我最懷念的是太興的下午茶餐(只限葵芳這分店), 因為幾個星期前, 來過一次, 好似發現新大陸咁, 好滿足. 自此, 也去過沙田和馬鞍山店, 叫同一個餐, 塊豬扒竟然薄了三分一, 分量也少了, 不得不重臨這裡！太興的下午茶餐越來越早結束, 由原來的下午6點, 至5點半, 到現在的5點, 有時去到才知道是小菜時間！推薦： 豬扒煎雙蛋飯/ 配熱飲 $49豬扒真的很大塊, 是厚切的那種, 煎得剛剛好,肉質嫩滑,有着陳陳的酒香, 還有薑葱蓉, 都好美味, 令人真的想再三回味一番.

Dinner@太興集團係葵芳行街唔知食咩好，見到太興諗起燒尾飯就入去座低，餐廳好闊落，冇人等位，望望餐牌，覺得價錢都幾抵食，一大嚿紅燒加拿大元蹄都係$68 ，骨膠原好重好入味，我最鐘意食皮連筋位，食完成個嘴黐立立🤣🤣油浸黃花魚，其實即係煎，承惠$58，本身黃花魚肉都係滑，但係鹹左d,送飯一流🙈黎到太興又冇理由唔食燒尾架，叫左個燒鵝下庄$100，我覺得好似有炭燒既味道，但層燒鵝皮一d都唔脆，好硬，唔好食！加$38有個燉杏汁豬肺湯，有杏仁味，3舊豬肺同幾嚿雞，好鬼大碗，飲完都飽🤪

到香港第一站就跑來這因為期待吃太興很久了。因為要逛東涌，所以先坐車到青衣再轉車過來，這是離我最近的太興。這商場食肆不好找，繞了半天才到太興。結果點了燒肉跟鴨的雙拼以及另一個三拼。燒肉很硬，像在吃橡皮筋。鵝肉好一點，但也是硬。我似乎覺得太興越來越難吃，以前是在佐敦還有銅鑼灣吃，當時非常可口。非常失望。只有其中一位阿姨讓我覺得比較親切。還害我期待許久又跑那麼遠。非常失望。只有其中一位阿姨讓我覺得比較親切。還害我期待許久又跑那麼遠

今日去太興，$63蚊咸蛋燒鵝飯，得黎骨頭齋咸蛋飯一碟😡以後都唔會食！收咁貴😟有無攪錯，收左咁嘅錢，比d骨頭人，之前下午茶餐係咁，依家連午餐都係咁😡大佬你收我午餐價$63蚊架！大家樂個迷你下午茶餐都有肉食吓吖😡以後都唔好叫我再幫親太興😡侍應生又亂黎，我都知午飯人多，但都比佢老點我行一個圈轉返出去出面d嘅位置坐，因為帶我入坐個位侍應本身叫我坐入裡面，但入面做緊嘢個個又帶返我出出面d位坐！真無聊啊！🤦🏻‍♂️

嗰日同朋友喺葵廣行完街，諗住食中餐醫下肚，最後嚟咗太興食晚餐。我哋叫咗個茶香雞，個茶香雞個皮幾滑，而且好香茶葉味，再加上價錢優惠，絕對值得再食！另外我哋叫咗蝦醬炒通菜，中規中矩，間唔中食下都幾好！

前幾日放半日假，趁好天去了葵涌運動場做下，好認真地喺運動場跑了10個圈(想死咁製🤣)跑完步消耗唔少體力，個人又攰又餓~梗係要搵個地方舒舒服服，加冷氣充足嘅地方灘抖下食番個悠閒下午茶啦！ 行過對面商場"新都會"望下有乜嘢啱食，我就揀咗係6樓嘅太興餐廳， 本來想懶係健康叫一啲唔肥嘅嘢食，但係敵不過心魔，我實在太為食了😂見到隔離枱個個都係食炒牛河，好似好好味咁喎，於是我又叫左碟"瑞士汁牛柳炒濕河" (連熱飲 $52)正所謂……食完先有氣力減肥㗎嘛🤪 碟河粉嚟到大碟到我驚， 實在太大碟，我四點幾食完飽到夜晚都唔識得餓! 講返碟嘢嘅味道先， 佢用咗瑞士汁嚟炒有啲甜甜地所以食得好開胃! 牛柳絲亦唔會話因為係下午茶所以畀得好少，拒絕對係畀足料你👍👍 如果可以畀多少少牙菜涌嗰類可以中和返飽漏嘅口感，咁就好嘞! 飲埋杯熱飲，我所跑嘅10個圈還返晒比運動場了😂😂😂😂太興，瑞士汁牛柳炒濕河 $52

其實平時都會得閒黎太興食下午茶又或者晚飯，一直水準都正常，點知今日黎食下午茶竟然太失所望。係附近行街見肚餓，又諗唔到食咩，就諗住簡簡單單係太興食下炒粉面。朋友就叫左個乾炒牛河走芽菜，值得一讚既係，真係有走芽菜，好多時待應哥哥聽完就算。上碟其實賣相ok,點知一食就覺得好鹹，直頭好似食左一斤鹽咁。但第二啖又好似正常，應該係未炒勻d鹽。另外就叫左個星洲炒米，其實幾好味同辣，但係同樣都係一啖好鹹一啖正常，睇黎廚房好似無炒過咁。希望下次會正常返

有魚有雞有飯有嘢飲都只係百幾蚊, 去邊度搵呢?今日中午食得太飽, 3個人晚上都唔知食咩好?! 突然醒起同事講過太興做緊優惠, 就一於試下, 我地去到好早, 5:57分, 3個人叫左佢的孖寶, 加$19轉套餐~魚抵魚~ 酸酸甜甜, 魚身仲脆卜卜. 呢條魚本身如果要煮都幾煩, 又要走油, 又要整醬, 仲要加配料, 呢度只係$59就食到雞都好特別, 真係有少少茶香的味道. 而且夠味, 唔需要再加薑蓉等. 但唔算滑至於服務方面就.....話說一入到去, 見到枱面冇水壼, 問waiter 可唔可以比水我地, 誰不知講左2次, 每次都隔左5分鐘, 佢都係冇比. 最後要自己去吉枱度拎壼水. 放嘢飲時又倒瀉落客人身上, 雖然唔係發身係我身上, 但都鄧果位客人慘.總括: 食物, 味道, 價錢ok, 但服務就

葵芳食飯平時都好難搵位新都會入面太興既等候時間相對地較短（可能大家無留意頂層有野食？！）.今次只係叫左兩樣小菜第一樣係碧綠蜜椒炒牛柳絲係架個名係咁長（題外話：早10年已經見太興餐蛋飯叫頂級午餐肉煎荷包蛋飯😂）講返碟牛柳牛肉好腍好入味加入左蜜椒雲耳等配料有淡淡甜味加埋西蘭花🥦中和返係好味既家常小菜.第二樣係榨菜蒸滑雞要等20分鐘應該係即叫即蒸雞肉好滑好入味配料既冬菇都一樣好滑但稍為偏少鹹（榨菜既關係）送飯一流.原本想叫個湯但係全部都賣哂（8點左右）可能下次早d先可以飲到

爸爸好喜歡食小菜，葵芳選擇不多，太興係個唔錯的選擇。選擇坐，坐位舒服，價錢合理。本人係芥蘭愛好者，略嫌醬料重手左少少，不過芥蘭本身好食豆腐煲，種類多，豆腐滑，冬菇入味，份量足。晚餐人均$100。好抵！ 太興冰鎮奶茶好飲。

冬至未打食評今日小弟打扮先,係 喺大興訂咗一個二千蚊嘅盆菜食 ,材料十分充足, 性價比一流,味道比得起大酒店,12名大漢都食吾曬,當中燒鴨同福袋,真係一絕,上網訂仲要有優惠