炉端金 (已結業)

男友人生日，佢屋企人安排黎呢度庆祝，食过话评价几好，生日者有半价。入到去安排我哋坐一个位都几入嘅，系厕所隔离，𠮶个位系好难叫到侍应过黎，就算叫到啲侍应好似未瞓醒咁，啲点餐纸由A至K咁排，逐份钉住，啲钉好易拮到手啰。一行6人好快就划好哂交纸，啲野黎得算快而且无漏单。首先黎嘅系刺身，的确好新鲜，忍唔到口食左好多，但个wasabi无咩味，食到尾发现好多我地无叫嘅都砌埋落个刺身拼盘度，可能为左丰富视觉挂。然后黎左堆串烧，推介烧牛舌同烧冬菇，encore左几次，鸡皮得我一个食，好味，烧得好脆。食到中途无啦啦上左个长脚蟹，侍应冷言冷语咁话送嘅就摆底左，蟹肉有鲜味不过有啲太咸。循例都叫左啲寿司，旧饭太大了，比例唔啱。想叫乌冬食，但系得拉面，无得转乌冬，咁就无食到。另外仲有movenpick同haagen dazs雪糕作结。