影片
更多
2013-05-18
2385 浏览
之前一晚嘅饭餐食到顶住道气，希望今晚可以畅快食一餐啦！ 一入到咖啡厅，感觉几濶落几舒服，环境唔错！唯一系订唔到近窗口台，就算星期四都咁full㖞, 冇法啦！ 呢度嘅大堂连酒吧，都系贴住咖啡厅，咁啱我哋张台可以见到d歌手现场唱歌，超正呀! (一般酒吧d歌手都唔会差得去边架) 今晚主题系《日韩‧寻味之旅》自助晚餐，一心以为有韩国烧，煎薄饼同d韩国牛骨煲等，但超失望！只见象征式有炒年糕，同一d泡菜炒乜乜咁，仲有d沙律有泡菜咁...望见都唔系咁想食，亦都冇试。 一开始先拎d头盘冻食先。蟹脚：size唔系好大，得个咸味，唔够新鲜，都几霉添，食咗两只，仲食到有少少沙，后尾都唔见有refill。 翡翠螺：第一次拎，哗！好似唔新鲜㖞！滑潺潺兼多沙到飞起！ 再拎第二次，都系一样！ 虽然有埋海鲜酱比你点，但超超超失望！生蚝：又失望，完全唔系食评讲嘅美国大只生蚝，又细只，又冇乜海水味，仲食咗一只劲多沙！师父好似睇人嚟比蚝咁，我拎咗两次都系 "劲" 细只，哂脚骨力出去呀！ 蟹：冇鲜味，d肉几霉, 仲好似唔够干净，又有沙？****** 搞咩？点解今晚不断喺度食沙架？？青口：0K好咪！ 虾：新鲜，好味！ 沙律都
一入到咖啡厅，感觉几濶落几舒服，环境唔错！唯一系订唔到近窗口台，就算星期四都咁full㖞, 冇法啦！
呢度嘅大堂连酒吧，都系贴住咖啡厅，咁啱我哋张台可以见到d歌手现场唱歌，超正呀! (一般酒吧d歌手都唔会差得去边架)
今晚主题系《日韩‧寻味之旅》自助晚餐，一心以为有韩国烧，煎薄饼同d韩国牛骨煲等，但超失望！只见象征式有炒年糕，同一d泡菜炒乜乜咁，仲有d沙律有泡菜咁...望见都唔系咁想食，亦都冇试。一开始先拎d头盘冻食先。
蟹脚：size唔系好大，得个咸味，唔够新鲜，都几霉添，食咗两只，仲食到有少少沙，后尾都唔见有refill。翡翠螺：第一次拎，哗！好似唔新鲜㖞！滑潺潺兼多沙到飞起！ 再拎第二次，都系一样！ 虽然有埋海鲜酱比你点，但超超超失望！
生蚝：又失望，完全唔系食评讲嘅美国大只生蚝，又细只，又冇乜海水味，仲食咗一只劲多沙！师父好似睇人嚟比蚝咁，我拎咗两次都系 "劲" 细只，哂脚骨力出去呀！
蟹：冇鲜味，d肉几霉, 仲好似唔够干净，又有沙？
****** 搞咩？点解今晚不断喺度食沙架？？
青口：0K好咪！
虾：新鲜，好味！
沙律都系普普通通，选择少。有已捞好既沙律, 但好难食!
又冇烟三文鱼，又冇Parma Ham，基本都冇，失望！
虽然有几款芝士，但都冇面包，得梳打饼干咋！冇兴趣食啰！
曰式鱼生：基本有嘅，佢都有。师傅会应你要求，要几多有几多，又够厚切，但系冇乜鲜味啰！ 寿司,冷面 : OK!
天妇罗有炸虾、茄子，青椒：OK好味！
但想要南瓜就冇，只有红萝白，仲系中国𠮶只，连入口甘笋都不如，差！
热荤都系极失望，食评中嘅猪颈肉唔见，又冇炸蚝....
味道一般嘅有咖喱鸡、炒乌冬，炒饭，炒牛肉，猪脾肉、羊架、日式炸鸡球、小唐菜、炸子鸡, 蒜蓉芥兰..
但蒸鲈鱼(唔得，好鞋又有泥味)，松露炖蛋(冇咩味，唔觉特别！)，炸鸡翼(差) 、义烧(普通货色)、烧鸭(冻嘅，差！)、油鸡(肉几霉，有雪味)..
*** 一般连烩海鲜嘅菜式都冇，好无奈!
仲有生滚粥，即叫即煮粉面，但冇乜人食啰！
汤：人参鸡汤，南瓜汤，好味！
甜品有：朱古力啧泉、西式蛋糕，芝士饼等，仲有柚子布甸，柠檬布甸，班兰糕.. 梳乎喱-->太细杯啦，基本上食咗面层d焦蛋皮，已经食完啦！冇瘾！
*** 点解连macaron都冇?
雪糕系雀巢 : 一大桶，要自己舀嘅！
新鲜生果两款 : 西瓜、菠萝。
即叫即整pancake，0K好味！仲有豆腐花、木瓜雪耳糖水，同一d中式炸甜点。
咖啡、柠茶, 雀巢冻柠檬茶及橙汁梳打, 任饮。
*每人仲有杨枝金露送，但d柚子食落有渣架, 其实好似系多余送啰！
HK$368 /person (20% discount)
呢个价钱，唔可以话唔值，但呢个价钱，应该可以有更好嘅选择啰！
张贴
