意料之外 (已結業)

妈住系附近几年都未食过呢间餐厅，此店逢星期日休息，所以更令我对此店有所期盼，前几篇食评都话蒜蓉牛油多士好味。端午节我地拣左唔食粽，路过此店，且早上11:15 竟然仲有早餐食，我成朝仲未有野落肚，当然立即去试。我同妈都点左早餐A - 火腿通粉配西煎双蛋及蒜蓉牛油多士，我饮热奶茶。蒜蓉牛油多士:  好香、好蒜，蒜味好丰富，擦左牛油蒜味更突出，但多士边好林，软身，唔够脆，可能多士制作时放耐左。西煎双蛋: 一份煎得靓仔，两只太阳蛋， 另一份o既其中一只蛋就煎差左了，失色左啲。煎蛋味道冇特别。 火腿通粉: 通粉煮得唔够林，硬左啲，相信煮好焗多一、二分钟就刚刚好了。火腿丝属正常。汤底同快餐店汤底冇乜分别，我同妈用餐后15分钟就劲口渴，即落左好多味精了。热奶茶够滑，如果加多少少茶叶，相信茶味会更芳香。我欣赏此店o既装饰或餐牌上有好多正面o既鼓励金句，但食物o既质素也好重要。相信食左好味的食物，配以正能量，成个人晒。