반찬앤쿡 Banchan and Cook (東薈城名店倉)

营业中

休息中

东涌东荟城近期做紧BT21推广，作为BTS同BT21老粉，梗系要去打下卡啦！呢间餐厅亦做紧主题推广，唔止装潢，连餐点都充满BT21嘅身影！唔好以为得个样，连味道都非常唔错。 巴马火腿卡邦尼年糕芝士味劲浓，年糕几特别，系比较长条形而且腍身，但又够烟韧。巴马火腿薄片柔软，温泉蛋令年糕更creamy。 芝士炸猪排魔法蛋包饭炸猪排外脆内嫩，中间仲有流心芝士。RJ造型白饭劲得意，半熟蛋蛋香嫩滑，日式咖哩捞饭好开胃。 朱古力魔法甜点 Shooky朱古力卷蛋会唔会太cute！朱古力忌廉多得嚟唔会太滞同太甜，又够滑。牛角包窝夫酥脆香口。 魔幻星空蝶豆花苏打/溶化朱古力渐变色蝶豆花苏打颜色好靓，冰冻非常消暑，爆汁珠珠好清爽。溶化朱古力香浓丝滑，朱古力味浓得不得了。 呢个BT21 Magic Recipe，餐点都系BT21造型，得意到都唔舍得食，系咪粉丝都可以嚟试吓。