媽咪雞蛋仔 (已結業)

今日途经妈咪鸡蛋仔，口痕痕，流哂口水。即刻飘左去佢门口。鸡蛋仔款式多，花多眼乱，要呢时间拣下，样样都想食。甘我地叫左两款，一款甜一款咸。甜嘅系牛油果朱古力鸡蛋仔，呢款系期间限定。咸嘅系我地两个至爱嘅双重芝士鸡蛋仔，因为我地都系芝士fans。首先试下牛油果mix朱古力先，感觉几特别但又唔会好甜。而本身我对牛油果唔大兴趣，但食食下都会不停食落去，果然有惊喜，值得一试！而双重芝士鸡蛋仔，一食落口有好香浓嘅芝士咸香味，感觉有几款芝士去制作，好正！我地仲点左伯爵冰茶同抹茶豆花。伯爵冰茶加左少许蜂蜜，香香既茶味适中既甜度，而抹茶豆花，底有豆花增加口感，一样出色。