影片
更多
2017-10-12
2654 浏览
身为一个木嘴，我对食物既要求非常极度之低，基本上只要正正常常，食得饱人已经好足够。以我多年睇openrice既经验，好似无乜食评以木嘴既角度出发，既然系咁，就由我带大家一窥木嘴之日常。今日去左食呢间，原因无它，作为一个木嘴当然系朋友话食乜就食乜。可能因为算早入去，唔算多人，感觉都唔错，起码无乜大妈嘈到拆天吓亲我呢个木嘴。不过櫈系圆形超硬矮木櫈，硬过砧板之余坐落去又似踎多过坐，我食左三粒钟，转换左姿势起码三十次，好似俾野咬咁成个人扭扭拧拧。唔好意思讲左好多枝节，但木嘴对野食既感想其实唔会好复杂，讲多少少其他野好似仲好。我地今晚叫左个招牌烤𫠐鱼，系辣度最低级果只。鱼对木嘴黎讲都不错，但辣度极低，亦唔够香，木嘴虽然未能深层次分析食物，但起码都可以低层次食到d辣系麻麻。牛肉，丸，牛柏叶，芝士肠，响铃，菜等等全部正常，但份量唔算多，对大食既人应该唔够，对樱桃小木嘴既我就还可以。食食下发觉喇沙鸡煲做紧半价，咁就嗌埋啦。睇样真系totally no mood to eat，但食落竟然几唔错，喇沙味几出，鸡够滑，再加埋d唔错既海鲜，呢个鸡煲绝对正过个鱼多多声，下次可以再战。另外有样野要赞系侍应见我地多
今日去左食呢间，原因无它，作为一个木嘴当然系朋友话食乜就食乜。可能因为算早入去，唔算多人，感觉都唔错，起码无乜大妈嘈到拆天吓亲我呢个木嘴。不过櫈系圆形超硬矮木櫈，硬过砧板之余坐落去又似踎多过坐，我食左三粒钟，转换左姿势起码三十次，好似俾野咬咁成个人扭扭拧拧。
唔好意思讲左好多枝节，但木嘴对野食既感想其实唔会好复杂，讲多少少其他野好似仲好。我地今晚叫左个招牌烤𫠐鱼，系辣度最低级果只。鱼对木嘴黎讲都不错，但辣度极低，亦唔够香，木嘴虽然未能深层次分析食物，但起码都可以低层次食到d辣系麻麻。
牛肉，丸，牛柏叶，芝士肠，响铃，菜等等全部正常，但份量唔算多，对大食既人应该唔够，对樱桃小木嘴既我就还可以。
食食下发觉喇沙鸡煲做紧半价，咁就嗌埋啦。睇样真系totally no mood to eat，但食落竟然几唔错，喇沙味几出，鸡够滑，再加埋d唔错既海鲜，呢个鸡煲绝对正过个鱼多多声，下次可以再战。
另外有样野要赞系侍应见我地多骨喺碟会自动波帮我地换碟，服务黎讲算系咁。
总括黎讲其实ok既，但木嘴份人比较毒舌先诸多埋怨者。呀，同埋间野可以慢慢坐，我地一食食左三粒钟都无被赶走，只要你顶得顺张骑呢櫈，我相信坐到收铺都应该得，gathering岩晒。
张贴
