影片
更多
2017-11-11
460 浏览
木嘴对粉岭呢个地方真系越黎越有好感，继之前黎完食左间正野之后，今次又俾我发掘到另一间令我食完之后觉得一定要写食评介绍既铺头。话说木嘴又咁岩黎开粉岭，又咁岩喺fb见到呢间新开新店既介绍，又话咩街坊激赞，又话大厨曾经喺新加坡攞过大奖，既然系咁，就试下睇下系咪真系咁正。木嘴下午两点半去到，店外面好多人等紧位，呢个现象对于喺粉岭开既食肆真系比较少见。等左一阵，终于入得。个餐牌上面都算有几多选择，但既然佢主打系海南鸡饭，咁木嘴就决定试下呢个。木嘴既朋友就叫左个喇沙牛腩米粉。海南鸡饭个卖相好靓，令木嘴食欲大增。佢d鸡果然系好滑，而d饭并唔系普通白饭，而系落左d特别汁落去。而个set仲配有一碗汤，木嘴唔知佢日日唔同定点，今日果碗就系木瓜红萝卜汤，明显用好多料落去煲，亦明显无落味精，完全feel到呢间餐厅既诚意。至于个喇沙牛腩米粉，木嘴估唔到竟然会有d辣，但因为木嘴钟意食辣，所以觉得好正好开胃。而佢d牛腩又够林份量亦都多，真系几唔错。成餐饭最有趣既地方系，几乎所有枱既食客都同老板讲佢地系睇到新假期/openrice而慕名而来。老板一脸黑人问号咁话自己无喺上面宣传过，所以都唔知有人帮佢介绍间餐厅，亦都无
话说木嘴又咁岩黎开粉岭，又咁岩喺fb见到呢间新开新店既介绍，又话咩街坊激赞，又话大厨曾经喺新加坡攞过大奖，既然系咁，就试下睇下系咪真系咁正。木嘴下午两点半去到，店外面好多人等紧位，呢个现象对于喺粉岭开既食肆真系比较少见。等左一阵，终于入得。
个餐牌上面都算有几多选择，但既然佢主打系海南鸡饭，咁木嘴就决定试下呢个。木嘴既朋友就叫左个喇沙牛腩米粉。
海南鸡饭个卖相好靓，令木嘴食欲大增。佢d鸡果然系好滑，而d饭并唔系普通白饭，而系落左d特别汁落去。而个set仲配有一碗汤，木嘴唔知佢日日唔同定点，今日果碗就系木瓜红萝卜汤，明显用好多料落去煲，亦明显无落味精，完全feel到呢间餐厅既诚意。
至于个喇沙牛腩米粉，木嘴估唔到竟然会有d辣，但因为木嘴钟意食辣，所以觉得好正好开胃。而佢d牛腩又够林份量亦都多，真系几唔错。
成餐饭最有趣既地方系，几乎所有枱既食客都同老板讲佢地系睇到新假期/openrice而慕名而来。老板一脸黑人问号咁话自己无喺上面宣传过，所以都唔知有人帮佢介绍间餐厅，亦都无特别入多左食材，搞到好多食物好早已经售罄。木嘴本身仲想叫个麦皮香蕉做甜品，但老板非常之唔好意思咁话香蕉都卖晒无货了。
呢间铺头应该系一家三口开，虽然因为突然既多客人做到踢晒脚，但都一直非常好礼貌。无论系服务态度同食物质素，木嘴都觉得无得输，希望佢地之后可以继续保持到。
张贴
