影片
更多
2017-11-09
652 浏览
木嘴对牛其实唔系好热衷，亦都由于系木嘴既缘故，其实好多时食完都唔知自己食左牛定猪定鸡。要木嘴对住只牛弹琴就识，但叫我去深层次去评论D牛既味道真系有D难度。之但系，木嘴既诞生就系为左俾大家了解木嘴既世界，虽然唔知有无人会想了解，但木嘴依然会紧守信念，努力去写呢篇关于牛既食评。话就话唔热衷，但唔知点解最近成日都食牛。今次就唔去试新野喇，食返最稳阵嘅牛角。其实牛角就周不时都会去食下，但因为在职贫穷所以通常都只系食D平价牛，但今日朋友难得高兴，咁就决定食D高级牛赠下庆。木嘴每次食牛角都会例牌叫番个牛角饭用黎填饱个肚，今次亦唔例外，个饭虽然得啲紫菜豉油咁，但又几好食，送烧肉一流。之后仲叫左牛油金菇（$22）同埋辛味酱汁鸡翼（3只 $39），辛味真系完全食唔出，成只鸡翼都系无乜味咁，究竟系我味觉出左问题定系真系无味有无人话俾我知？好彩有酱可以自己加，唯有自己狂加辣酱，虽则以木嘴既标准只酱都系唔辣，但总好过淡而无味既。然后就到今晚既主菜—极上和牛四品盛合（每款两片 $458）木嘴我虽然味觉只有最底层次，但其实和牛同普通牛嘅差别又确实系一放入个木嘴度就知既。每片和牛都系软绵绵，脂肪同肉分布平均，系个口
话就话唔热衷，但唔知点解最近成日都食牛。今次就唔去试新野喇，食返最稳阵嘅牛角。其实牛角就周不时都会去食下，但因为在职贫穷所以通常都只系食D平价牛，但今日朋友难得高兴，咁就决定食D高级牛赠下庆。
木嘴每次食牛角都会例牌叫番个牛角饭用黎填饱个肚，今次亦唔例外，个饭虽然得啲紫菜豉油咁，但又几好食，送烧肉一流。
之后仲叫左牛油金菇（$22）同埋辛味酱汁鸡翼（3只 $39），辛味真系完全食唔出，成只鸡翼都系无乜味咁，究竟系我味觉出左问题定系真系无味有无人话俾我知？好彩有酱可以自己加，唯有自己狂加辣酱，虽则以木嘴既标准只酱都系唔辣，但总好过淡而无味既。
然后就到今晚既主菜—极上和牛四品盛合（每款两片 $458）
木嘴我虽然味觉只有最底层次，但其实和牛同普通牛嘅差别又确实系一放入个木嘴度就知既。每片和牛都系软绵绵，脂肪同肉分布平均，系个口度慢慢化开，系个一口牛差咁D，不过真系好食过普通果个set好多。呢个set其实仲有两旧粟米，不过咁岩影相个角度完美遮晒。
身为贫穷毒J食完个和牛已经无钱叫其他，所以唔算食左好多野，加上烧肉实在太油，虽则话就话好食，但木嘴好快已经有饱饱滞滞既感觉，净返木嘴朋友一个人战斗。但无论如何，性价比黎讲，呢个价钱食到呢个质素既和牛，绝对值得推介。
张贴
