少爺18 (已結業)

木嘴呢晚黎到新都会睇戏，睇戏之前要食个快饭，就求其拣左呢间睇落几靓地方又大嘅餐厅。新都会翻新左之后第一次黎，真系高档左好多咁，木嘴仲以为自己去左第二个商场添。得返45分钟食所以就求其叫个粉同饭算。虽然我时间紧迫，作为一个木嘴对食物又无乜要求，但比差唔多成旧水食个粉，都会期望个质素有返咁上下。好可惜呢碗海鲜喇沙完全满足唔到我既期望，个汤无乜味之余，明明我叫既系喇沙汤底，但竟然变左奶油汤底。唔好以为奶油汤底好特别，所谓奶油，即系好重奶味，而且好油...成碗粉食得我个木嘴好唔舒服，食到一半已经放弃。D配料就都还可以，叫唔难食既。另外朋友就食呢个串烧加印尼炒饭。炒饭普通到唔普通，串烧就唔热既，味道就正正常常。咁又盛惠$88。成餐最满意就系个野饮，雪梨味好出，又唔会太甜，廿几蚊够两个人饮，唔错。成餐埋单二百几真系非常之唔抵食，早知平平地去食个米线或者食个快餐算数，起码食完之后个银包会满足D先。