蒲公英和牛專門店

营业中

休息中

话说木嘴之前无意间上fb见到推荐呢间野，本身佢地系一间卖冻肉既铺头，但就可以即场试食黑豚肉饺子。木嘴一听到黑豚肉就流晒口水，勾起我半年前去鹿儿岛餐餐都食黑豚肉既美妙回忆。今日咁岩去开果头，忍唔住自己既欲望买黎试下。饺子可以拣白菜、韮菜，仲可以拣双并。咁我就拣左薄皮双并12只，唔洗心大心细拣味道。一路等一路闻到佢系度煎扒既香味，真系口水都流晒。内心不断谂，煎快D啦煎快D啦。几经辛苦终于有得食，饺子个皮确实系好薄，但一咬落去....说好的黑豚肉味呢？完全无呀系，我直程要认真望只饺去确认会唔会落漏左D肉。成旧野无咩口感，非常林，系韮菜有味所以先叫好食返少少。所以希望越大失望越大呢句野永远无错，今次真系几失望下。最值得一赞系佢个酱，有d蒜味好惹味。咁就盛惠39蚊，木嘴我都系落楼下超市买包装饺子算数了。如果真系要俾呢个价钱，我宁愿用黎买佢个蒜味酱好过。