影片
更多
2024-01-12
96 浏览
呢间日式Cafe由观塘总店开到启德Airside，分店嘅环境更加宽敞，以木系家私为主，好光猛坐得舒服。餐厅装修得好似示范单位咁，如果有睇中嘅家品，仲可以带走埋，系一间家具x Cafe嘅专门店。餐厅主打各种fusion菜式，菜品选择都几多，而且价钱都唔贵，性价比超高！佢哋嘅甜品挞类🥧都好吸，全部由驻店甜品师傅即日喺店舖制作，水准有返咁上下！------------------------------🥗◖牛油果炙烧吞拿鱼田园沙律◗ $148沙律菜好新鲜，加上软滑嘅牛油果同只烧吞拿鱼粒做配料，最后淋上柚子醋，清爽得嚟口感好丰富！🥩◖澳洲黑毛安格斯牛肉眼◗ $238用上100日谷饲澳洲黑毛安格斯肉眼，煎到七成熟，里面嘅牛肉系好靓嘅粉红色，肉眼切成两大片上枱，份量好足！牛扒充满肉汁，肉质偏瘦，伴上炒野菜同Wasabi薯蓉，野菜烤焗得几香；薯蓉微微呛鼻，味道更有层次，几特别～🥪◖日式烤烟腩水煮蛋竹炭面包◗ $158腩肉涂上青柠蜜糖酱汁，再拎去烤焗，肉质软腍而且有肉香！用上兰王蛋去整𠮶个水煮蛋，蛋浆超香，再淋上荷兰汁同烤合桃，简单嘅配搭，更好带出兰王蛋嘅味道！🍋◖柠檬蛋白饼◗ $68柠檬挞酸味味咁，
------------------------------
🥗◖牛油果炙烧吞拿鱼田园沙律◗ $148
沙律菜好新鲜，加上软滑嘅牛油果同只烧吞拿鱼粒做配料，最后淋上柚子醋，清爽得嚟口感好丰富！
🥩◖澳洲黑毛安格斯牛肉眼◗ $238
用上100日谷饲澳洲黑毛安格斯肉眼，煎到七成熟，里面嘅牛肉系好靓嘅粉红色，肉眼切成两大片上枱，份量好足！牛扒充满肉汁，肉质偏瘦，伴上炒野菜同Wasabi薯蓉，野菜烤焗得几香；薯蓉微微呛鼻，味道更有层次，几特别～
🥪◖日式烤烟腩水煮蛋竹炭面包◗ $158
腩肉涂上青柠蜜糖酱汁，再拎去烤焗，肉质软腍而且有肉香！用上兰王蛋去整𠮶个水煮蛋，蛋浆超香，再淋上荷兰汁同烤合桃，简单嘅配搭，更好带出兰王蛋嘅味道！
🍋◖柠檬蛋白饼◗ $68
柠檬挞酸味味咁，清爽开胃，加入咗啲芒果粒令整体香味更有层次，顶部加上蛋白糖霜，啱啱好可以中和返柠檬嘅酸味！
🍓◖士多啤梨吉士挞◗ $68
有好多士多啤梨果肉，配合上creamy嘅吉士酱，夹杂住焦糖饼脆脆，整体唔会太甜又有口感，好食！
🌟Encore指数：9/10
张贴
