影片
更多
2024-08-11
776 浏览
呢间日式 Cafe开喺启德Airside，以木系家私为主，好光猛够宽敞。餐厅装修得好似示范单位咁，如果有睇中嘅家品，仲可以带走埋，系一间家具x Cafe嘅专门店。餐厅主打各种fusion菜式，菜品选择都几多，而且价钱都唔贵，性价比超高！佢哋嘅甜品挞类🥧都好吸，全部由驻店甜品师傅即日喺店舖制作，水准有返咁上下！-——————————————🥩◖澳洲黑毛安格斯牛肉眼◗ $268用上100日谷饲澳洲黑毛安格斯肉眼，煎到五成熟，里面嘅牛肉系好靓嘅粉红色，肉眼切成两大片上枱，份量好足！牛扒充满肉汁，肉质偏瘦，伴上野菜同Wasabi薯蓉，野菜烤焗得几香；薯蓉微微呛鼻，味道更有层次，几特别～🍕◖樱花虾香葱玉子鳗鱼薄饼◗ $148薄饼切成八小片，每片上面都放上玉子同鳗鱼，好有日式薄饼嘅感觉！咬落去口感比较软腍，玉子鳗鱼都入口即溶，批边几松化，唔使惊食饼皮食饱！☕️◖Lemonade Coffee Fizz◗ +$41呢杯cold brew加入lemonade fizz，饮落似coffee tonic有微气泡嘅感觉，更能带到咖啡香气，好饮嘅！🍗◖ 明太子手羽◗ $68叫咗一个和风小食，四只鸡翼都好饱满，炸
-——————————————
🥩◖澳洲黑毛安格斯牛肉眼◗ $268
用上100日谷饲澳洲黑毛安格斯肉眼，煎到五成熟，里面嘅牛肉系好靓嘅粉红色，肉眼切成两大片上枱，份量好足！牛扒充满肉汁，肉质偏瘦，伴上野菜同Wasabi薯蓉，野菜烤焗得几香；薯蓉微微呛鼻，味道更有层次，几特别～
🍕◖樱花虾香葱玉子鳗鱼薄饼◗ $148
薄饼切成八小片，每片上面都放上玉子同鳗鱼，好有日式薄饼嘅感觉！咬落去口感比较软腍，玉子鳗鱼都入口即溶，批边几松化，唔使惊食饼皮食饱！
☕️◖Lemonade Coffee Fizz◗ +$41
呢杯cold brew加入lemonade fizz，饮落似coffee tonic有微气泡嘅感觉，更能带到咖啡香气，好饮嘅！
🍗◖ 明太子手羽◗ $68
叫咗一个和风小食，四只鸡翼都好饱满，炸皮酥脆系唐扬风味，里面塞咗明太子鸡肉馅，味道微辣，一口落去好满足
🍋◖宇治抹茶蛋糕◗ $68
外型非常可爱，好似成片抹茶朱古力咁，抹茶味浓郁，配上日本红豆中和一下茶涩味，饭后甜品一流
🌟Encore指数：9/10
张贴
