廿一由八

营业中

休息中

上网见到呢间餐厅环境都好靓，同埋个环境充满木材劲chill，想去左好耐。餐前面包，洋葱汤呢度嘅面包好好味烟烟韧韧咁，有两款唔同口感嘅包配埋佢个牛油食到停唔到口。洋葱汤煲得劲浓味劲好饮Barbie with Gin呢杯好清新好容易入口，甜甜地好适合餐前饮Chocolate Rumic酒香味好重，每一啖都饮到好香嘅可可粉，打卡一流烤粟米条个粟米烤得啱啱好系其中一样必食嘅小食，配埋佢个酱汁食落唔会好干身法式纸包柑橘三文鱼配托斯卡纳五香法式多士及烤时蔬三文鱼好有惊喜，配埋柑橘一齐食劲正，开头都有啲担心果皮会唔会有啲苦涩味，估唔到咬落去𠮶下成嚿都好甜。好好味，可以中和到三文鱼阵油脂，另外每一样蔬菜都好好味。上网见到个个都会叫多士嚟食，佢呢间嘅多士真系必试，口感好特别系我之前未试过嘅口感，配埋佢嘅调味真系食到停唔到口。250克美国肉眼扒配烤时蔬及压薯牛肉份量好充足烧得啱啱好，餐厅好贴心已经将牛肉切好咗，个薯仔好味道癫咗食完都唔够喉。柠檬芝士蛋糕最后食埋佢必点嘅法式多士，拣咗柠檬芝士蛋糕，上面类似奶盖嘅质感我劲钟意，配埋个多士真系超级正，食完真系超级饱。