SENSU (太古城中心)

营业中

休息中

疫情下多数留家用膳，今天难得去shopping，咁就拣间新餐厅去食晚餐，平日夜晚都好多人，不过空间感好大，木系装修，坐得好舒服。餐厅露营主题，仲有好多个大大既世界地图，令人好回味旅行既感觉。太古店期间限定，Open rice 订座指定menu 有75折。我地拣左脆脆吉列猪扒芝士欧姆蛋包饭、吉列猪扒炸得好松脆，猪扒好厚身但又唔硬，好吃！蛋包饭，卖相不错，只是蛋偏熟；饭系珍珠米，粒粒分明。仲有叫左个和风照烧安格斯牛肉奶油多士，个多士配左奶油好香，邪恶既味道，牛肉酱汁都好配，味道100分，可惜牛肉偏干。见到杯靓靓紫色既靛，有不同层次，首先饮到系柠檬啫喱同埋蝶豆花既味道，之后有一阵泰国既气息，应该系椰青水，总括黎讲系酸酸甜甜，几清新。另外仲叫左杯栗子焙茶鲜奶，平时多数饮焙茶，好少遇到有粟子，淡淡的栗子同焙茶味都饮到，最重的是奶的味道！最后仲叫左甜品蔚蓝星球，都系啲gimmick 野，之前自己都整过呢啲敲敲蛋糕，真系好巧功夫，不过好开心，又可以玩又可以食。