豪宴海鮮酒家

营业中

休息中

之前有帮衬过几次，服务系差但都算。可惜丽港城得一间酒楼，真系纯粹贪方便先去。今次真系离谱得太紧要，一定要上嚟评一评。系星期日朝头早我同我屋企人两个去等位。知客叫我攞飞等位，明明我哋张飞（1-2人枱）系下一张，但叫咗成10张3-4人枱的飞都未轮到我哋。我觉得有啲问题所以过去问一问个知客。跟住佢先同我讲话两个人要搭枱，但系我之前从来都冇听过原来两个人一定要搭枱。我觉得好过分，重点系佢要我等咗咁耐都唔同我讲，要我去问先讲。佢仲话如果想唔搭枱就要永远等落去。嬲嬲地咁我就话唔饮啦我去第二间。我行到去电梯前面，个知客竟然好好中气咁大声串我：「两个人系要搭枱㗎啦!」我自问态度唔系差，佢竟然咁样对待客人，我真系冇嘢好讲。以后我都唔会再去豪宴，其他分店都唔会再去。希望快啲换过第间。