Running 燒 (已結業)

喺一个优惠网站买咗9点钟开始食嘅coupon，一去到见到个水缸好多死虾，已经心感不妙。买coupon𠮶阵明明写住可以食110分钟，入座时女职员都讲到明喺够钟前30分钟就会截单，但我哋食咗只系一个钟(当时大约22:05)，已经有女职员行埋嚟话22:15就会last order，要落单就快啲落，我心谂有冇搞错咁快就last order？于是我立即用手机落咗一堆肉类嘅order，过咗10-15分钟都唔见啲肉嚟，于是问下另一个男职员，佢竟然话厨房入面已经收哂工，但明明系你哋个女职员22:05叫人落last order，点解可以未做哂啲order就收工咁无赖？之后我望下手机个order，原来已经被取消，好明显系餐厅职员鬼鬼鼠鼠取消咗我嘅last order然后收工走人。成间餐厅最有效率就系催你埋单同埋催你走，我啲食物都未食哂，亦未过110分钟时限，但餐厅职员已经催咗两次。好心搞得任烧任食就唔好咁小家，cut人order仲要疯狂催人走，想准时收舖就唔好搞9点钟嘅时段，完全系一个骗局。