LA Restaurant & Dessert Bar (已結業)

是日约咗朋友过嚟而家试吓个威灵顿牛柳，其实对于呢道菜本来就唔会有太大期望，特别系呢个价位，即系如果有一般嘅水准其实已经好好；但系真系有啲令人失望。首先入到餐厅嘅感觉OK嘅，但系上菜嘅速度真系有啲过分，10分钟都未上到嘢饮，然后我个威灵顿等咗45分钟，中间话个焗炉有问题叫我等多2分钟，𠮶阵我就系谂应该都唔知2分钟嘅啦， 2分钟都唔使同我讲啦，果然结果系20分钟左右😂OK，希望慢工出细活啦，拎上嚟个卖相都OK嘅，但系一吉落去就知出事，我叫五成熟，张单都系写五成熟，但系我谂应该都超过七成…然后把刀直头切唔开，切到我手软，最后要换过把刀。简单啲来讲其实我就冇乜期望嘅，呢个价钱中午叫威灵顿牛柳都唔系想要求啲乜嘢，但系真系唔合格，啲肉切都切唔开，放落个口到更加难咬，我会用煲汤瘦肉去形容佢嘅口感。但系，都有值得一赞嘅系职员好好礼貌，中午时分呢个环境到有八成满，成个场得佢一个走来走去，服务都算系咁啦，最后要介绍吓个人觉得全场最好食嘅…因为等咗45分钟所以职员送咗两个雪糕俾我哋，全场真系最满意杯雪糕，仲好饮过杯咖啡😂最后咁讲啦，我谂佢餐厅唔系唔得嘅，但系似乎唔系太适宜做呢一类型嘅菜式，朋友𠮶件汉堡都系有