殿 大喜屋

营业中

休息中

大喜屋系列嘅放題我差唔多都食過，係爭呢間殿.大喜屋未幫襯，一直以來大喜屋水準算係放題中最高，所以決定一試當中最豪華嘅殿.大喜屋就算有訂位都要係地下等入座一入去見到好多甜品飲品放咗係度，清酒,梅酒,啤酒,果汁,氣水不過唔見有茶食物方面除沙律小食和甜品外海膽手卷都係要自己拎必食推介，海膽份量十足當中池魚王和拖羅係必食，不過經常嚟唔齊翡翠螺及鮑魚仔係懶人之選生牛肉他他，正宗貴夾唔飽叫多幾份都唔怕蒜麵豉炒虎蝦配啤酒啫喱，熱食中比較特別但味道一般手握壽司,軍艦壽司,板壓壽司…壽司方面選擇係多但唔算特別，食咗幾件就算話係和牛我估應該係澳洲和牛，要加醬汁先有味道其他菜色方面羊架我食過最好食嘅放題羊架就係元祖(第一間)大喜屋，呢度羊架無咁好食，其他熱食唔夠熱，感覺上其他分店相比唔係差好多，服務上其他大喜屋好似仲好，食物好少漏單唔齊，而且咁嘅價錢但提供質素方面唔算太拎抵，如果下次我應該會去其他分店評語:食物係有質素，只係熱食唔夠熱，環境方面座得唔夠舒服，衛生方面清酒樽有異物，服務方面啲食物漏單唔齊，咁嘅價錢其實可以接受，抵唔抵就見人見智。