影片
更多
2018-07-07
2117 浏览
因为系沙田友，三年几前开始钟意嚟呢度食buffet, 由正价食到而家card有buy 1 get 1 优惠。。。。。。由于lunch buffet, 确实冇咩名贵海鲜供应，但以前D 蟹脚&虾都叫鲜甜，而家似用咗D次货，完全系失望，以前系大虾又靓又甜，而家放一堆已经剥埋壳嘅虾仔仲要冇味。。。D蟹脚黑色一挞挞，又咸又腥。。。今日见D青口靓靓仔仔咁，念住实冇死啦，点知臭嘅，等我仲攞咗3只，第一只吐都吐唔切，以为一只系咁，点知3只都系。。。。唯有转战沙律，ok ga, d 菜好fresh, 爽脆甜，仲要有沟好酱嘅ceaser salad, nice!唔食海鲜冻盘，呢个lunch buffet 都仲有好多选择嘅。 刺身中等啦，三文鱼一定有，不过唔肥美，不过不失。我会忍唔到，照食饱肚嘅加州卷&炸虾卷，唔错㗎。仲有soba, 都系好味嘅。有smoke salmon, 不过我冇食，so....no comment...有人负责bbq，有羊架&烤鸡烤肠，烤得好香。 侧边有埋pizza, 又有西冷，亦有几款spaghetti, 仲有小小素食区，照顾到素食人仕。有中汤亦有西汤，今次中汤系红青萝卜煲亦肉
由于lunch buffet, 确实冇咩名贵海鲜供应，但以前D 蟹脚&虾都叫鲜甜，而家似用咗D次货，完全系失望，以前系大虾又靓又甜，而家放一堆已经剥埋壳嘅虾仔仲要冇味。。。D蟹脚黑色一挞挞，又咸又腥。。。今日见D青口靓靓仔仔咁，念住实冇死啦，点知臭嘅，等我仲攞咗3只，第一只吐都吐唔切，以为一只系咁，点知3只都系。。。。
唯有转战沙律，ok ga, d 菜好fresh, 爽脆甜，仲要有沟好酱嘅ceaser salad, nice!
唔食海鲜冻盘，呢个lunch buffet 都仲有好多选择嘅。
刺身中等啦，三文鱼一定有，不过唔肥美，不过不失。我会忍唔到，照食饱肚嘅加州卷&炸虾卷，唔错㗎。仲有soba, 都系好味嘅。
有smoke salmon, 不过我冇食，so....no comment...
有人负责bbq，有羊架&烤鸡烤肠，烤得好香。 侧边有埋pizza, 又有西冷，亦有几款spaghetti, 仲有小小素食区，照顾到素食人仕。
有中汤亦有西汤，今次中汤系红青萝卜煲亦肉，ok ga, 略嫌喊咗小小。西汤系南瓜汤，都好味。
有部咖啡机可以冲espresso, latte, cappuccino, d coffee 唔错，我成日都会㩒杯espresso, 再去攞vanilla ice cream, 自制affogato
ice cream 系哈根大师，有九只味。
有凉粉，可惜我后尾想攞已经冇哂又冇refill, 上次食都OK for, 自己加不同配料，eg, 椰果，红荳。。。。。。
个肚今次冇空位食烧味，以前试过OK la, 不过不失，唔会正到要encore
有即渌粉面，不过咁多野食，我真系冇本事食D咁饱肚嘅野。
点心有菜肉包，鲜虾粉果，韮菜猪肉饺，烧卖，又系不过不失。
中菜有六款左右，好好，食物有指示，如果唔系我今日会差D夹咗田鸡肉
仲有好多甜品，正常啦，唔难食，但唔特别，唔会令你好想食，但又想试，食完唔会encore, 亦唔会想买佢D蛋糕而矣。
太多食物，不能逐一讲，不过不失，服务好好，有平日buy one get one 好抵，所以经常encore，可惜D海鲜冻盘每况愈下，差到不敢正价惠顾，有买一送一就话是但都算，希望有一日喺放弃呢间酒店嘅buffet之前d 海鲜会正常返。。。。。。
张贴
