影片
更多
2021-06-05
606 浏览
.📍好好运快餐店📍 #馒头去荔枝角呢间食沙嗲牛嘅知名铺头一个月前重开，入口位置非常神秘😌，平日晏就去都有人排队，因为小编系一个人，所以去到就有位。------------------------------沙嗲牛肉面 加煎蛋 ($33+$6)又真系几好食，佢哋嘅沙嗲酱比坊间甜，落得好重手🙈，几乎成个汤底都系酱， 质地浓稠唔会好嚡，蒜头、洋葱同其他辛香料味道非常霸道😍，花生香系后续而嚟，整体有啲似有少少咸嘅印尼沙嗲酱，食完阵味系可以留喺个口成日； 而面头嘅葱花亦系呢间店嘅另一个特点，增加香味之余😋，可以令碗面带点清新。至于牛肉唔会切到好碎，几大块，份量都算多，肉质正常冇话好嫩滑，有几片都有啲筋位增加嚼口；面煮到啱啱好💯，爽弹挂汁，每啖都非常香口惹味；至于𠮶个煎蛋主要用嚟影相🤓，味道一般，小编自己煎得仲靓啲，可以唔加。整体嚟讲确实唔错，但未算好surprise，食到最后真系好_咸，强烈建议大家带返枝大樽水饮💧。------------------------------整体评分：7.7/10小编回头率：7/10佢哋晏昼都好多人排队，小编见到啲伙记都望到手唔停，依然保持到礼貌。但系， 理解还
📍好好运快餐店📍 #馒头去荔枝角
呢间食沙嗲牛嘅知名铺头一个月前重开，入口位置非常神秘😌，平日晏就去都有人排队，因为小编系一个人，所以去到就有位。
------------------------------
沙嗲牛肉面 加煎蛋 ($33+$6)
又真系几好食，佢哋嘅沙嗲酱比坊间甜，落得好重手🙈，几乎成个汤底都系酱， 质地浓稠唔会好嚡，蒜头、洋葱同其他辛香料味道非常霸道😍，花生香系后续而嚟，整体有啲似有少少咸嘅印尼沙嗲酱，食完阵味系可以留喺个口成日； 而面头嘅葱花亦系呢间店嘅另一个特点，增加香味之余😋，可以令碗面带点清新。
至于牛肉唔会切到好碎，几大块，份量都算多，肉质正常冇话好嫩滑，有几片都有啲筋位增加嚼口；面煮到啱啱好💯，爽弹挂汁，每啖都非常香口惹味；至于𠮶个煎蛋主要用嚟影相🤓，味道一般，小编自己煎得仲靓啲，可以唔加。
整体嚟讲确实唔错，但未算好surprise，食到最后真系好_咸，强烈建议大家带返枝大樽水饮💧。
------------------------------
整体评分：7.7/10
小编回头率：7/10
佢哋晏昼都好多人排队，小编见到啲伙记都望到手唔停，依然保持到礼貌。
但系， 理解还理解，我依然对佢哋喺我中途等餐𠮶阵，唔止一次叫我换枱嘅行为表示反感，一次还可以接受，两次就真系有啲过份😑，不如索性摆张凳喺个角落我坐低捧住食。
沙嗲牛肉面
$33
44 浏览
0 赞好
0 留言
煎蛋
$6
33 浏览
0 赞好
0 留言
张贴
