壽司德 (已結業)

闻说呢度好得，掂过“鮨真”，点都要嚟会下先完美咁整到个寿司排行榜。选咗特上寿司定食。白身鱼、𫠒红鱼好普通，赤身带腥、中拖罗唔够肥有筋，带子几实弹，甜虾胶质黏口，三文鱼子鲜味，海胆新鲜。沙律蔬菜新鲜爽口、蒸蛋质感略稀唔够蛋味鲜味，面豉汤正常冇过咸。咖啡几浓厚有层啡油响面。整体几好但又冇乜深印象唔系食过最好。差唔多或更平价钱可以拣“千里禅”、“鮨真”、“鮨森”，平啲嘅“大仓”质素亦相约。冇乜客人但侍应唔系好热心咁答嘢。