影片
更多
2009-06-12
38 浏览
7-6-2009初一十五 dinner 又陪屋企人食斋, 今次阿爸提议试试永安后街呢间斋店. 一行 4 人, 叫了 3 𩠌 1 汤 1 淀粉质 share 食, 整体对味道印象唔差, 系比较油腻啫:前菜系渍大豆芽菜: 大豆芽菜系我最唔钟意食的蔬菜之一, 结果掂都无掂. 松茸冬瓜盅: 老板 (?) 的推介之一, 内有冬瓜, 竹笙, 丝瓜, 素虾, 素鱼蛋 etc, 消暑一流, 不过作为食肉兽, 我觉得味道太清淡, 始终都系猪肉好. 杞子红烧豆腐: 芡汁够味, 劲杰; 豆腐滑溜, 不过带点酸味, 呢碟一般.金丝剑鱼: 老板的推介之二, 亦系呢度的招牌菜. 原来系用切丝云吞皮, 卷住素鱼落镬炸, 再淋上五柳汁, 食落十分脆口, 唔油, 入面的「素鱼」仲带点「肉汁」, 配上酸酸甜甜五柳汁, 好食! 不过 d 汁颇杰挞挞, 个人而言唔太喜欢.上海雪菜炒年糕: 初初以为系「雪菜肉丝炒年糕走肉丝」, 嚟到先知系大家麻麻的上海粗炒 style... 年糕颇烟韧, 不过镬气不足油湿湿的, 配料 (雪菜, 青红椒及素火腿) 又太咸, 呢碟食剩唔少.紫菜鹅肝卷: 纯粹好奇「素鹅肝」系乜
初一十五 dinner 又陪屋企人食斋, 今次阿爸提议试试永安后街呢间斋店. 一行 4 人, 叫了 3 𩠌 1 汤 1 淀粉质 share 食, 整体对味道印象唔差, 系比较油腻啫:
前菜系渍大豆芽菜: 大豆芽菜系我最唔钟意食的蔬菜之一, 结果掂都无掂.
松茸冬瓜盅: 老板 (?) 的推介之一, 内有冬瓜, 竹笙, 丝瓜, 素虾, 素鱼蛋 etc, 消暑一流, 不过作为食肉兽, 我觉得味道太清淡, 始终都系猪肉好.
杞子红烧豆腐: 芡汁够味, 劲杰; 豆腐滑溜, 不过带点酸味, 呢碟一般.
金丝剑鱼: 老板的推介之二, 亦系呢度的招牌菜. 原来系用切丝云吞皮, 卷住素鱼落镬炸, 再淋上五柳汁, 食落十分脆口, 唔油, 入面的「素鱼」仲带点「肉汁」, 配上酸酸甜甜五柳汁, 好食! 不过 d 汁颇杰挞挞, 个人而言唔太喜欢.
上海雪菜炒年糕: 初初以为系「雪菜肉丝炒年糕走肉丝」, 嚟到先知系大家麻麻的上海粗炒 style... 年糕颇烟韧, 不过镬气不足油湿湿的, 配料 (雪菜, 青红椒及素火腿) 又太咸, 呢碟食剩唔少.
紫菜鹅肝卷: 纯粹好奇「素鹅肝」系乜嘢一回事, 原来系用紫菜包住芋蓉及切粒的不知名配料, 再蘸粉炸, 食落几香紫菜味, 脆口, 馅料细滑 creamy, 不过 (1) 炸粉好厚, (2) 炸得油腻, 食得颇吃力, 蘸点沙律酱较好.
食物比上不足比下有余, 环境就一贯斋店初一十五的迫夹, ventilation 又麻麻, 结果离开时成身食物味 招呼一般, 阿姐们俾人「睬你都傻」的感觉, 得老板 (?) 好礼貌.
唔知几钱埋单, 我觉得食物一般, 试过今次后无兴趣再来了.
张贴
