半島冰室

营业中

休息中

之前已经光顾过半岛三次，每次都系见佢排长龙，今日放假，特登过去食个早餐，因为上次食佢个奄列早餐配pancake真系好好味。想再试下佢其它早餐。大约1030 去到，排队第8人左右，等咗10分钟就到，差唔多到嘅时候佢就会叫你落定单，所以人流比较快。今日拣咗一个牛扒肠蛋，同埋一个猪扒肠蛋。猪扒大过块面，有厚度，调味适中，几好食嘅，肠仔同鸡蛋就正常水平。+$1 嘅多士，冻嘅，牛油好难食，应该系一大桶红色𠮶啲米之莲。而且被昆虫掂过其中一块，我食咗另一块嘅边边之后放弃咗。牛扒比较薄同埋细件，质素就同快餐店差唔多。不过只系$35蚊份，性价比其实唔错，冇投诉。反而佢嘅卫生真系希望佢哋重视一下，我三次堂食，都系有一两只细细嘅飞虫系食物附近飞下飞下，一次就降落左系我杯饮品，今次就降落左系我块面包到。佢啲嘢食系抵食夹大件嘅，我谂我都会再次帮衬，不过会买外卖。