Augur-7 Pizza house @ Japanese Cafe (已結業)

今日姑姐生日，本来plan食日本野，不过姑姐又话平时食得太多想转下口味，又要近屋企系旺角附近食，谂来谂去，醒起有间佢未食过，就带左佢来食。哩间野因为唔系地铺，唔系我朋友带我来食都唔知道有哩间野。果次来食因为得两个人试唔到好多个𩠌，不过味道又真系唔错，同埋环境虽然唔大，不过坐落舒服倾得自在。今次来食，姑姐一来就点左我上次食落都几钟意既酸忌廉芝士薯条，薯条热辣辣食落都算ok,点埋佢既酸酸地既忌廉酱真系几好味。我女朋友就点左个蒜蓉包，唔大只，一啖就可以食左一只，不过好松脆，都几香。然后就叫左个蜜汁鸡翼，都几甜几滑，不过如果鸡翼可以再大只少少就好。仲试左个螺丝粉同埋pizza.粉都算ok,不过就比较普通，但是pizza就几好食，个批底都几厚几脆，而且料都几足，咬落都几满足几爽，肠仔口感都唔错,所以叫左两个批来食，最紧要食得爽，价钱都算公道，份量都唔少，加埋佢地既服务态度都唔错，所以会再来