影片
呢间我以前都间唔中会同fd嚟，不过呢几年冇咩时间嚟，所以当朋友话想去cafe时，就决定嚟返呢间 佢呢间夜晚系一个set一个set咁叫，沙律可3选1，每次嚟我都好中意叫吞拿鱼螺丝粉沙律，真系十年如一日既味道，好怀念。每人可以简一款唔同味既包，每一个都唔错。呢个酸忌廉芝士薯条系必叫，真系好好食， 芝士够多，淋上去薯条都唔会变淋。个pizza 系酥皮底，我哋叫咗千岛海鲜味，虽然海鲜冇咩（得蟹柳），但一样咁好食。蜜糖焗杂肠有3款唔同既肠，朋友觉得略甜，我就觉得啱啱好。蜜糖鸡翼都好难唔好食，haha，不过佢好似焗太耐，有 d 㶶。 呢个芝士鸡扒捞乌冬系成个set既败笔，鸡扒口感好怪，乌冬冇咩味，呢度要扣分la。
继续阅读
我黎过呢间cafe超过六次第一次黎可能系六七年前朋友介绍既话系有诚意既cafe试过之后发现朋友无介绍错于是周不时都会约朋友系度聚会以前成日都会full booking食唔到今么好好彩竟然可以walk in!呢度既装修真系十年如一日架今次黎依然好熟悉既感觉由于得两个人就只可以叫128个餐叫左四个小食加pizza芝士蒜蓉包就是简单的美味吞拿沙律都好味 系酸左少少酸忌廉薯条薯条热辣辣加埋酸忌廉同茄汁 仲有拉丝嘅芝士其实无唔好食既可能另外叫左章鱼小丸子 明太子饺子鸡翼同埋肠仔肠仔入面唔止一种肠 厨师肠红肠都有甜甜哋几好味明太子饺子鸡翼就辣辣地系整得几香口嘅不过个料就系普通通至于个章鱼小丸子就系最唔推介既一样虽然佢有必胜既沙律酱 烧汁同木鱼片但系除此以外佢就系一旧粉叫左千岛pizza酥皮底好脆两个人系绝对够食 系食唔哂最后要拎个迷你木康布甸返屋企虽然佢全部都系唔健康既加工食物但间唔中一次半次ok la
继续阅读
好耐无见既朋友仔生日，梗系要揾个可以坐耐d，又唔好太嘈既地方坐下倾下计架啦。为左方便住港岛同新界既朋友，所以拣左旺角作为集合点，方便大家塔车呢间café都几特别，职员话小店提供2人至1X人既套餐，岩哂d唔想烦点乜既朋友；而套餐既特别之处系按人头收费，食物亦都系按人头准备，所以唔怕唔够分；小店只有一位职员，由点餐、制作、上菜、收碟一脚踢，所以大家要耐心等候；落柯打都要走出去揾职员，因为佢唔系成日系楼面；由订枱时间起计限时3个钟，时间相当充裕；由于要等朋友，加上大家又饿既关系，所以就叫左个小食，食住等特辣烧烤鸡肉薯条(小辣) ($50)分量正常，卖相唔错，不过味道麻麻由于薯条已经淋上烧烤酱，所以已经淋哂、唔脆….唔脆既薯条系大罪呀!!本身烧烤酱微辣带点酸，仲有热溶左既淡味芝士，听落唔错，但食落唔match。芝士睇到但食唔到味，因为烧烤太呛味；鸡肉同薯条又系唔夹，所以唔推介5人套餐 (每位$118)头盘-焗法包每位拣一款法包，我就拣左少见既芝士咸牛肉包。咸牛肉分量都算多，加上焗到香脆既法包，好味沙律 – 吞拿鱼螺丝粉沙律呢个沙律真系好好食!! 个个都话正~螺丝粉煮到有Al dente，再配上大量既吞拿鱼同少许粟米添加口感，混合大量既沙律酱，足以令每条螺丝粉都沾满沙律酱，完美；小食-烟肉芝士焗薯皮焗薯皮除左卖相有心思之外，味道都非常正。薯皮焗到脆卜卜，入面配有咸香既烟肉粒，芝士同烟肉真系绝配~ 又系一道有惊喜既小食!!小食-蜜糖鸡翼呢个鸡翼焗到个色水好靓，少少焦~ 鸡皮好食，甜甜地；虽然鸡肉滑嘟嘟，但腌得唔入味小食-明太子饺子鸡翼鸡翼胀卜卜好饱满，头两啖味道都OK，但由于明太子咸味太重，斋食就越食越咸Pizza-千岛海陆风味 (加大至11吋$10)呢个Pizza唔系平时食开既面皮底，而系酥皮底，仲要真系好酥架!! 边食边跌酥皮虽然Pizza料唔系贵料，但配上千岛酱真系无得输主菜-炸鸡扒芝士捞乌冬系六款主菜中，我地觉得呢款比较少见，而且大家都系芝士怪，所以就点左佢主菜确实大份，炸鸡亦有好多件；捞个乌冬果阵 见到好多芝士丝，真心兴奋可惜，呢个乌冬无芝士味，严重D讲句，根本唔知自己食梗乜酱；另外，乌冬有酸味…甜品-木糠布甸/朱古力MOUSSE木糠布甸只系微甜，cream都算滑身，不过我唔中意食cream又唔中意食mousse，所以感觉麻麻地虽然食物有D唔岩自己口味，不过整体都算唔错，有惊又有喜啦，加上以呢个价钱系其他CAFÉ一定食唔到咁多款野、又咁饱、又坐到咁耐；题外话，因为呢度只可以post 12张相，所以餐牌另外post
继续阅读
好耐无出过旺角食晚饭，约埋朋友一齐，想揾一间静静地坐得舒服又唔赶住走，食物煮得有heart嘅餐厅唔多，但居然都比我误打误撞在开饭网找到。地点容易找，就在潮流特区对面，家乐商场隔离一栋大厦楼上。我们有大有小朋友，上到去虽然环境格局有点陈旧，但总算整洁企理。小店经营，只有一位纹身哥哥招呼我们，见我们第一次光顾，有礼又耐心讲解menu。我喜欢他们的菜单设计，每款按人头安排份量上菜，每人至少有一两件，唔使你推我让。我们点了凯撒沙律，够酱汁又新鲜。薯条份量多，又够脆，碟底伴的烧汁好特别。小丸子都有得叫，真系特别，每人有2粒，味道绝对唔差，有晒木鱼碎，如果多点蛋黄酱更好。焗红肠肠仔同蜜糖鸡奕味道可口，啱晒小朋友口味。夏威夷薄饼，饼底用了酥皮，口感更脆更香口，用料都丰富，份量大，我们食到停唔到口。最后还有白汁吞拿鱼意粉，最喜欢白汁够rich又creamy, 上枱还有很多汁，唔会干晒，味道很好，我们分了6份刚刚好，但太好味，想添都无了！😂套餐还有饮品及甜品，我们加了$10叫特饮，款式多，我点了荔枝梳打雪糕，yummy,甜品有木槺布甸同tiramisu任拣一款。我同朋友都好满意今餐味道同水准，还说下次一定会再光临帮衬，希望他们继续努力，我们一定会支持小店，因为他们的菜式吃得出是有心制作的。
继续阅读
已经系第二次光顾，相隔一年再光顾！食物平靓正第一次觉得楼上cafe食物系好食店主nice ，好好服务一定一定会再嚟！记得提早打电话book 位，有机会俾人包场/full booking
继续阅读