Mad for Garlic (已結業)

早几日收工经过奥海城，见到呢间Mad for Garlic🧄, 比佢个”Garlic”吸引左，以蒜为主题嘅餐厅真系好少见！见佢餐牌入面大部分都系用蒜头菜式为主，都好吸引！我同朋友谂都无谂就入左去试！铺面干净企理。落单无耐，店员就送上两块蒜蓉包，每客客人都会有嘅，食落都脆，不过热d就好啦！小食点左个Garlic Tower同头先食个两块唔同，一大条未切嘅法包上面堆左一个由蒜蓉堆成嘅尖顶，由店员切开将啲蒜塞晒入个包到！好香蒜蓉味同热辣辣，好香口！主食方面，叫左一个店员推介嘅蓝芝士蜜糖薄饼同埋蒜片辣椒银鱼柳炒意粉。Pizza嘅芝士味劲香，蜂蜜系另外一个碗上自己搽上去，可以自己调教甜度，唔钟意食甜嘅可以唔加都得。Pizza底唔会好厚，厚度啱啱好，两个人食一个都唔会多，仲可以食其他嘢！意粉店员一早顶咗我哋会好辣我地平时都算叫食得辣，都食到系咁饮水！但加埋脆脆蒜蓉片真系好惹味！最后嗌咗个甜品糖渍蒜香蕉朱古力薄饼配自家制嘅云呢拿雪糕。由于个薄饼一样唔系好厚，两个人食两个薄餠都仲食得落，个边好脆！朱古力酱系Nutella，同香蕉简直系绝配！云呢拿雪糕亦都好好食，同平时食嘅唔同！呢间餐厅一定会再返嚟食，