Big Dog (已易手)

今日路过西环水街, 见到有间热狗店, 见饿饿地, 不如食个包, 饮杯茶先, (即系蛇王啦).间舖就细细间, 睇下有咩食先? 都有好多野食下. 有热狗, 牛肉包, 薯皮, 鸡翼等等...我就叫左个热狗, 薯皮同一杯冻咖啡...佢个道就有张bar枱可以堂食,都几有快餐店feel. 一食! 哗条热狗好正, 个包又脆, 条肠又大条又好食...正!试下个薯皮先, (我之前食过薯皮都系系酒吧食过,都几正) 唔错, 比起我系酒吧食个d差好远..呢间系好食好多....最估佢唔到就系个事头婆又后生, 重几靓女家.之后见咁好食, 打电话比同事话比佢知, 佢就即刻叫我买多只比佢,重话下次要我带佢去食.(我心谂, 你条友仔想去睇下个事头婆就真)总括来讲, 小弟就觉得非常好食, 系下午茶同小食既好地方.