Outback Steakhouse (形點 I)

营业中

休息中

睇完早场打算食餐好少少既同老公补返圣诞节大餐、见到set lunch有几个选择，最后分别叫左猪扒同春鸡配饭再叫个芒果鸡肉沙律。前菜沙律唔够精致仲有水份残留。心谂只系前菜就算。黑糖面包不过不失。Set到左、见到老公份猪扒个样已经觉得鞋⋯食落比望落仲鞋⋯而且好明显系无心机煮既⋯我个春鸡未食我都预左鞋⋯⋯同我预期一样⋯⋯只系俾个烧烤汁补返少少分数⋯但最失望系⋯啲饭竟然生骨、咁都可以拎出后招呼客？同个侍应讲、佢补返两份配菜俾我地、但得沙律同薯条，个沙律好似隔夜咁⋯放唔到落口。讲埋额外叫既芒果烤鸡沙律。沙律唔够新鲜、睇得出系一早切定、个菜边都泛啡黄色了。芒果又淋又酸，唔会系新鲜。个烤鸡仲衰过我只春鸡⋯鞋到我一放落口都要吐返出黎。仲要叫柸柠檬茶催足3次、要老公行入水吧问人先有⋯呢个质素点对得住呢个价钱？4百几蚊仲难食过茶餐厅，可一不可再。