重慶老巷 (已結業)

早几日夜晚我哋一班朋友谂住去串烧，行到去够疆见到佢冇开就谂住转场啦⋯⋯就咁就伏左了（重庆老巷） 一间应该开业唔耐嘅餐厅装修都几好～ 但座位数量有点儿小 一班人既话就要坐门口了我地叫左 翠玉瓜，鱿鱼须，司华力肠，四季豆，猪生肠，猪心 （羊肉猪肉猪颈肉牛肉𠮶啲都有叫嘅，叫做正常啦）但以上果几项真系难忘 坐低5分钟左右 黎左第一碟司华力肠 3条 之后上菜速度系串烧店黎讲系快既😨司华力肠：肠心唔热既 thanks 翠玉瓜： 一面熟一面生 生𠮶面好爽脆 清新！ 鱿鱼须：叫咗三串 最大同最细比例差几远下 不过拉上补下黎计 size ok, 但主要系唔热同唔熟😷 四季豆：负性价比 食落去仲有草青味 非常新鲜. 但卖相唔差 呃得下人 猪生肠同猪心： 生肠应该清洗唔干净 臭同苦既 冇食到😷😷😷唔知系佢地冇经验定我地order得太多野食 所以好多都唔热又唔熟咁 但睇post话佢地系荃湾搬过黎咁我谂佢地应该处理太多order既时候handle 得唔系咁好 好求其咁烧两野比我地就算仲有！！！ 串烧个重点系孜然粉，但好可惜地系冇味既😷咁仲边有第二次呢 唉⋯⋯