影片
更多
2008-04-24
20 浏览
呢次食评会比以往的长一点点，请各位耐心睇完整篇文章，多谢~今日放工，突然间决定去前几日放弃冇去o既粥店，去食之前曾经食过o既田鸡粥。这个食店位置几隐蔽，因为佢系位置鸭记(鸭寮街)旁边o既地舖。呢间面家有几十年历史，不过因为位置问题而好多人都唔知道呢间店o既存在。入店o既时候，店内客人唔算多，揾到位后就立即点o左两样生㓥田鸡粥同鲜鲩鱼皮。前者在上次因为带病食唔到原味，后者一直都系小弟其中一样至爱食品。先o黎o既系鲜鱼皮，呢度同外边o既店有少少唔同，因为用o黎点o既豉油会分开上，避免o左"鱼皮浸豉油"o既情况出现。呢次o既味道同上次一样都差唔多，唯一要弹o既系"老板娘唔该开细少少个雪柜，鱼皮上面有o的霜啊~" 囧"我好快就食哂o的鱼皮，大约等多几分钟后田鸡粥就到喇。先闻一下，唔....有微微o既米酒香味，有米酒o既原因系用佢o黎辟走田鸡o既腥味。呢次粥底少少绵，粥有米香之余亦带一o的o的田鸡肉o既甜味。先食田鸡腿，哗!好鲜甜!肉类几有咬劲，果然系新鲜田鸡用粥生滚出o黎先有o既味道。一碗田鸡粥用上一整只田鸡，味道自然清带浓而味亦鲜。自我十几年前o系塔门食过o既鲜带子粥有咁o既鲜味之外，呢次系
今日放工，突然间决定去前几日放弃冇去o既粥店，去食之前曾经食过o既田鸡粥。这个食店位置几隐蔽，因为佢系位置鸭记(鸭寮街)旁边o既地舖。呢间面家有几十年历史，不过因为位置问题而好多人都唔知道呢间店o既存在。
入店o既时候，店内客人唔算多，揾到位后就立即点o左两样生㓥田鸡粥同鲜鲩鱼皮。前者在上次因为带病食唔到原味，后者一直都系小弟其中一样至爱食品。
先o黎o既系鲜鱼皮，呢度同外边o既店有少少唔同，因为用o黎点o既豉油会分开上，避免o左"鱼皮浸豉油"o既情况出现。呢次o既味道同上次一样都差唔多，唯一要弹o既系"老板娘唔该开细少少个雪柜，鱼皮上面有o的霜啊~" 囧"
我好快就食哂o的鱼皮，大约等多几分钟后田鸡粥就到喇。先闻一下，唔....有微微o既米酒香味，有米酒o既原因系用佢o黎辟走田鸡o既腥味。呢次粥底少少绵，粥有米香之余亦带一o的o的田鸡肉o既甜味。先食田鸡腿，哗!好鲜甜!肉类几有咬劲，果然系新鲜田鸡用粥生滚出o黎先有o既味道。一碗田鸡粥用上一整只田鸡，味道自然清带浓而味亦鲜。自我十几年前o系塔门食过o既鲜带子粥有咁o既鲜味之外，呢次系第二次。
食完次后，感觉有o的意犹未尽，睇睇一餐牌见到净云吞只系$17，咁就要多一碗o黎填饱个肚啦。
o系我介绍呢个云吞之前，想讲讲一段故事。
o岩o岩过o既新年，阿妈由加拿大番o黎渡年，有一日佢突然o系食紧o野时好慨叹咁弹o左句出o黎：唉，依家o的云吞真系唔好食，话就话系云吞，其实就系"虾吞"，同以前完全系两回事。听完之后我深有同感，记得细个o既时候，云吞o既材料唔系以虾为主，而系云吞内o既碎猪肉。
依家市面上食到o既鲜虾云吞，其实系由广州o既云吞演变出o黎。以前o既云吞以全猪肉为馅料，食落去会较硬但系肉汁美味，加上混入大地鱼粉/碎令到鲜味得以大大提升。后来香港有一位面食师傅，谂到加入小量鲜虾o黎增加云吞o既口感，结果就变成我o地依家成日都食到o既鲜虾云吞喇。
无可否认，依家o既云吞以虾为主，但系好似有o的想变成以净虾肉为馅o既趋势......
以上呢一后说话，系当我食云吞前突然谂番起，心谂自己大小老新名店o既云吞都有试过，唯独是"地道"香港鲜虾云吞真系好耐好耐都食唔番。咁o岩呢个时候，净云吞一碗就出现o系面前，先问侍应攞豉油碟o黎装坐大红浙醋，之后望一望粒云吞，一口咬o左一半.......
突然间，我控制唔到咁爆o左个字:哗!
之后再张开口食埋剩底o个半粒云吞.....
食完之后，我整个人静o左落o黎，冇出声......双眼突然一红，我知道，我终于揾番最地道o既鲜虾云吞喇。呢一刻真系好感动，就好似遇番好耐冇见o既朋友咁样，实在好开心。
云吞唔似一般货色咁包到好实，肉碎混入大地鱼之余，隐约带住一阵香味，好似系虾子但系又唔系好肯定。云吞每只大约有一至两只少o既鲜虾，弹口之余虾o既鲜味同肉味互相配合，实在冇o野可以挑剔。
不消一刻，一碗八粒o既净云吞就食完，个心好满足。当我俾钱o既时候，问老板娘除o左大地鱼之外，o个阵香味究竟系咪虾子。老板娘停o左一阵先讲，佢o地用o既系叫做芝麻糠，即系将炒香o左o既芝麻磨碎再混入肉馅之中，唔怪得食o既时候阵香味比虾子更加香!
o系香港要食到地道味道o既食店真系唔多，能够生存到依家只系少数中o既少数。再加上以$17价钱就有八粒咁美味o既云吞，得罪讲句，麦奀记所谓o既正宗云吞都唔及呢度咁地道。
所以基于呢一点，要献出"第一次"，<<味道满分!!!>>
(对不起了浙醋，今日你唔驶出场辟枧水味喇，因为冇咁o既需要^^")
张贴
