「迆」雪糕專門店 (已結業)

.《「迆」雪糕专门店》Chill Fat 推介：🌕🌕🌕🌖 （5🌕最高）南枫楼翻新完之后多左好多小店，其中一间就系呢间极具本土特色嘅雪糕店-《迆》，系咪好少见到呢个字呢？佢就系读「HEA」喇，系咪好亲切呢，哈哈！装修采用湖水蓝、白、灰为主，店内有数张几何形状嘅櫈同枱比大家坐下同堂食，最有特色系佢墙身有一幅劲大嘅深水埗地图呀，劲靓啰！成个环境好Chill…店内主打本土特色口味雪糕例如麻辣味、本地姜、咸柠七，劲新奇，几乎系我从未接触过嘅口味，最后我拣咗麻辣味嘅雪糕试吓…「顺住迆」豆腐雪糕配麻辣酱 $38雪糕系用竹炭雪糕筒装住，另外个雪糕筒包装纸系印住万寿无疆嘅花纹，大家可能都见过，劲复古劲靓！呢款雪糕我称佢为「四味」雪糕，但绝对吾系伏同过重口味。一入口豆腐味雪糕偏向甜味，再渗出淡淡嘅豆味，然后同麻辣酱嘅咸辣味，成件事吾会太过冲突，又咸又甜劲得意，甜味同咸辣味过后会有小小酸味出左黎，好特别，有机会每个人味觉体会都吾同…又本土又特色，而家真系少之又少，经过不妨下支持下，体验下味蕾嘅冲击，放松下。我下次想试咸柠七味…