Domon 居酒屋 (淘大商場3期) (已結業)

店铺装潢都几日式，整体感觉都算阔落。虽然话系日式餐厅，但睇佢嘅餐牌都有港式同韩式菜式嘅影子，可以话系偏向多元化菜式嘅餐厅。前菜-牛油果沙律呢个沙律好差！牛油果完全系未熟嘅，硬到不得了！但系佢个酱系ok嘅，好似系沙津酱加咗少少蜜糖芥茉酱嘅味道。但成道菜因为主角牛油果而严重失分。主食-牛肉炒拉面系一碟有锅气嘅炒拉面，食落都ok嘅，少少油，个面都几软弹，黑椒味比较重，感觉似系黑椒牛肉炒河但转咗个面底。主菜-烧鲭鱼定食会附送小食同面豉汤，正正常常啦，系觉得个汤咸咗少少。鲭鱼烧得都可以，唔会太干，点埋个酱汁同柠檬都几清新。碗白饭系珍珠米黎嘅，都ok。觉得最好食系烧菠萝新甜可口又多汁价钱都系街坊价，唔系话好贵嘅，整体黎讲都ok,系牛油果唔熟。