文記火鍋

营业中

休息中

第一次帮衬文记，每碟𩠌嘅份量不少，价钱属中上。店内有海鲜套餐，但觉得不太吸引。如可让客人弹性选择order半份，相信会更加吸引二人同行的食客。▪️香茜皮蛋锅，马来沙嗲锅▪️个人比较喜欢浓味嘅沙嗲锅，文记嘅汤底偏淡。至于香茜皮蛋，芫荽和皮蛋的份量算多，不过味道一样较清淡。▪️蚌花蚌▪️新鲜爽口，唔错！▪️️本地手切顶级牛边抓▪️推荐👍🏻 平时打边炉通常都系食牛颈脊，今次试咗牛边抓，会有一啲筋膜位，冇谂过呢度嘅牛肉都唔错，牛味突出。▪️真打乌冬▪️即系稻庭乌冬，都系来货嘢，正常。▪️油麦菜▪️份量算多▪️新鲜黑柏叶▪️个人觉得几爽口，但同行友人觉得比较韧。▪️即炸响铃▪️由于系即炸嘅关系，等咗一阵先上菜。腐皮好薄，即炸后有入口即溶的感觉。附上嘅芝麻酱唔系好夹，未知店舖可考虑其他选择呢？😳▪️手打墨鱼丸▪️好大粒嘅，不过冇咩墨鱼味。经济不景，大家都睇住荷包食饭，两个人打个边炉就过千蚊（无食特别贵嘅海鲜），性价比的确唔够北上消费。