影片
更多
2022-02-16
518 浏览
唔知大家钟唔钟意食曲奇？香港嘅曲奇已经唔系好似蓝罐𠮶啲咁一细块、咬落去好脆好松化，因为而家有好多网店都卖曲奇，我都已经食过唔少曲奇，今次呢间其实之前已经介绍过，今次介绍佢嘅招牌同埋其他新曲奇。Twinkie Cookies系一间本地主打手工制作麻糬曲奇既网店，系香港饼房 Twinkle Garden既副线，不断研发创新又好食既曲奇以满足顾客味蕾。店舖嘅招牌系佢哋喺香港首创嘅流心麻糬曲奇，钟意麻糬既大家一定要试。网店最近系朗豪坊开咗实体店，位置非常方便啱晒钟意曲奇既你。朗豪坊店店舖一眼睇哂玻璃柜入面所有曲奇，曲奇分为3种，有麻糬曲奇、曲奇三文治同普通曲奇。麻糬曲奇系三个当中最多人买，因为喺店舖嘅招牌，但为左保持最好口质买完需要即日食。Cookie款式会每个星期转一转，可以系官方IG上睇到。另外除咗曲奇仲有提供焙茶、抹茶latte、蛋糕，呢间新分店仲有新推出嘅麻糬冬甩。Twinkie Cookies今年新年推出左虎年贺年礼盒，除咗有上年热卖嘅杏仁片，仲有好多新口味嘅产品，当中有 礼盒都非常有新年嘅感觉，送礼唔会失礼，而且唔会太大盒，非常易携带，食完仲可以变收纳盒。-🧧 虎年贺年礼盒 💰/2
Twinkie Cookies系一间本地主打手工制作麻糬曲奇既网店，系香港饼房 Twinkle Garden既副线，不断研发创新又好食既曲奇以满足顾客味蕾。店舖嘅招牌系佢哋喺香港首创嘅流心麻糬曲奇，钟意麻糬既大家一定要试。
网店最近系朗豪坊开咗实体店，位置非常方便啱晒钟意曲奇既你。
朗豪坊店店舖一眼睇哂玻璃柜入面所有曲奇，曲奇分为3种，有麻糬曲奇、曲奇三文治同普通曲奇。麻糬曲奇系三个当中最多人买，因为喺店舖嘅招牌，但为左保持最好口质买完需要即日食。Cookie款式会每个星期转一转，可以系官方IG上睇到。另外除咗曲奇仲有提供焙茶、抹茶latte、蛋糕，呢间新分店仲有新推出嘅麻糬冬甩。
Twinkie Cookies今年新年推出左虎年贺年礼盒，除咗有上年热卖嘅杏仁片，仲有好多新口味嘅产品，当中有 礼盒都非常有新年嘅感觉，送礼唔会失礼，而且唔会太大盒，非常易携带，食完仲可以变收纳盒。
-
🧧 虎年贺年礼盒 💰/258（早鸟）
虎年贺年礼盒
$288
8 浏览
1 赞好
0 留言
1️⃣ 古早味花生酥 3块 （👅: 8/10）
花生酥都算厚身，咬落去系超级酥脆，花生酥会喺个口慢慢溶化，一咬落去嘅同时即刻碎开咗，所以建议大家攞个盒装住啲花生碎。食落去花生嘅味道非常浓郁，本身依排想食花生糖，不过呢一个已经满足到我，因为佢冇花生糖咁硬咁痴牙。
-
2️⃣ 抹茶柚子蜜柑曲奇 3块（👅: 7.5/10）
呢款曲奇外层系用上日本若竹抹茶，而入面少少流心嘅内馅系自家制、天然制造嘅柚子蜜柑酱，系同么凤士多合作嘅曲奇。
未咬到入边嘅馅之前，首先系食到抹茶嘅香味，唔会太重，之后隔咗1秒就会食到内馅嘅柚子蜜柑味，味道非常突出，甚至会盖过一开始嘅抹茶味，好似饮紧柚子蜜咁，食落去酸酸甜甜，够清新，仲会食到粒粒蜜柑果肉，因为内馅主要集中喺中间，如果想食到抹茶味可以试吓边位，我自己就想抹茶味可以更突出。
-
3️⃣ 手工杏仁片 1包（👅: 8/10）
手工杏仁片有成十几块，围绕着曲奇边摆满左，够博身，咬落去首先系有少少脆，之后系比较烟韧嘅口感，食落去杏仁味道突出，系我钟意嘅杏仁味，而且唔会太甜太腻。
-
4️⃣ 芝麻南瓜籽杏仁Florentine 3片（👅: 7.5/10）
呢块杏仁片虽然系两层不过薄身，好轻易就可以咬开佢，成块都系用芝麻、南瓜籽同杏仁制成，咬落去一啲都唔硬，三姐口感结合，口感非常丰富，食落去每一啖都系浓郁嘅坚果香味，绝对系真材实料。
-
5️⃣ 抹茶玄米脆皮麻糬波波 3粒（👅: 7.5/10）
呢个麻糬波波咬落去上面少少脆身，下边比较硬身一啲，口感偏软糯，食落去抹茶嘅香味浓郁，不过唔会太甜。
-
6️⃣ 黑芝麻脆皮麻糬波波 3粒（👅: 7.5/10）
呢个麻糬波波嘅芝麻香味突出，啱晒钟意芝麻嘅人，芝麻味突出不过唔会太甜。
-
1️⃣ Matcha Lava Mochi Cookie 💰44（👅: 8.5/10）
Matcha Lava Mochi Cookie
$44
18 浏览
1 赞好
0 留言
呢个抹茶麻糬曲奇喺呢度嘅招牌，而且系全港首创嘅麻糬曲奇，如果大家钟意抹茶同麻糬系必食。
曲奇系美式杏仁软曲奇，够大块够厚，所以咬落去系软熟而唔系松化，如果大家想食松化应该要食返蓝罐曲奇，曲奇食得出系手工造，入面嘅麻糬咬落去够软糯微黏，烟烟韧韧，不过一定要即日食先有呢个口感，店舖都坚持呢一款曲奇系唔过夜，每日新鲜制造，软身曲奇再加麻糬口感非常丰富。
抹茶用上日本小山园若竹抹茶粉，食落去入边嘅抹茶酱极度流心，流心到要滴出嚟，一路食一路流出黎，茶味醇厚浓郁，唔会有苦涩味，带有小小回甘，整体唔算太甜，所以食落唔觉得好腻，价钱略贵，不过一块咁足料可以一试。
-
2️⃣ Opera Cookie Sandwich 💰45（👅: 7.5/10）
Opera Cookie Sandwich
$45
13 浏览
1 赞好
0 留言
曲奇咬落去系比较软身，而忌廉够绵，入口顺滑，口感上有层次感，食落去朱古力味道浓郁，带少少咖啡味，味道上系偏甜，会有少少腻，如果同人share会好啲。
-
3️⃣ Rum Raisin Mochi Donut 💰40（👅: 7.5/10）
Rum Raisin Mochi Donut
$40
2 浏览
1 赞好
0 留言
冬甩咬落去系偏硬身，麻糬咬落去一样烟韧，食落去朱古力味道浓郁，但唔会太甜，提子方面系用自家浸嘅提子，令到口感更加丰富，而且为冬甩带来一啲甜味。
-
🌟食过几次呢间网店嘅曲奇嘅我，觉得最好食、最有惊喜都系麻糬系列，因为无论口感同味道都相对新奇，唔系平时你会食到曲奇口感，而曲奇同埋曲奇三文治咬落松软，口感丰富，味道款式都几多，紧有一款啱你口味，再加上实体店位置方便，要食随时都可以买到。
新年礼盒喺17/1请订购仲有早鸟九折优惠，而取货日期由15/1到13/2，喺铜锣湾、旺角分店或者荔枝角都可以取货，方便仲未订新年礼盒既大家，另外佢哋都有新年特别推出嘅新曲奇口味可以一试，如果未食过呢间曲奇可以试吓佢哋最招牌嘅抹茶麻糬曲奇。
-
👅味道: 8/10
🍴环境: 7/10
💰消费: $125 (服务费: NA)
张贴
