蟹慶 (已結業)

同朋友庆生，拣左黎蟹庆。因为见人share餐厅环境几骨子又有卡位，我地4个人啱啱好。book 7点，有朋友准时到拎左位先，因为另一位朋友迟收工所以就7点9先齐人叫野食。4个人其实叫左唔算多野食，但食物质素几好，黎得都叫快。两个沙律好清爽，一黎就俾我地分哂黎食。甲罗烧我就觉得有少少失色，食落冇乜味咁。天妇罗即炸好脆口，系好想encore。牛舌不过不失。和牛鹅肝炒饭，好入味，鹅肝虽然份粮唔多，但因为系比较油腻，所以都叫啱啱好。食到差唔多9点，侍应走过黎叫我地准备埋单，因为两小时用餐时间，𠮶下我地有啲愕然。望一望个场，非常多吉位，问朋友入座𠮶阵有冇讲用餐时间两个钟，朋友话冇提过，而且openrice订座条款亦冇要两个钟交枱。本身拣呢个场嘅其中一个原因就系因为佢收11点，谂住可以同朋友倾耐少少。点知佢九点未够就攞张单过嚟叫我哋埋单，讲真其实唔系唔可以继续叫嘢食，不过你咁样嘅态度赶我哋走，我哋都唔会想继续俾钱你赚。所以我哋同生日朋友影咗几张相埋埋张单就走咗，我哋走𠮶阵时九点几成个场已经冇晒客，最后系等䢂𠮶阵见到房入面有人行出嚟，先知道原来有Private Room，anyway，冇下次。