諾亞半熟蛋糕專門店 (已結業)

朋友仔生日点知发烧感冒，所以唔买得有忌廉个啲蛋糕，但生日总要吃点甜嘛，就买诺亚半熟朱古力个只啦，黎到发现原来而家有杯装，简直perfect，寿星仔又惊传染我地，就买杯比佢「自私食」，另外我地就买一个装比寿星仔切啦。 杯装拣左蜂蜜味半熟芝士蛋糕，寿星仔好开心觉得我好贴心㖞，佢病病地想要啲蜂蜜滋润下同时又觉得有轻度芝士蛋糕唔漏同时好软熟，好岩佢呢个「生日既病人」食呀， 「自私食」仲可以拎埋只杯返屋企添。 个装拣左朱古力味既半熟芝士蛋糕，坦白，外型就真系唔太靓，不过胜在有内涵， 虽然「诺亚」都开左好耐，但我地班人都系第一次食呢只朱古力蛋糕，女士们个个大叫好味，贪佢有朱古力同芝士味同时又软熟，但竟然入口唔腻，令到个个都食唔停口，完全唔觉有罪恶感（需知大部份女人都又要食又怕肥嘛）。