麥當勞

营业中

休息中

带小朋友去放完电后，十分想食雪糕，平时做法系去麦记甜品站买紫薯新地食，但今日因新地脆有买一送一，正好一个价钱满足到我同小朋友，所以自然地推门而入。可能们今日系假期，餐厅内好多买嘢同等紧嘢食嘅人。买完等左三分钟到听到入面有人叫：苹果批有,香芋批要等五分钟！！等左几分钟后，终于有我啲嘢，呢个时候，因厨房出唔切嘢，所以可以话封嘢食嘅员工唔算十分忙，但我接过我嘅外卖新地即时打开一睇，真系好失望，两个新地碗好似人地唔要嘅垃圾咁，求其掉入纸袋就算。好似唔记得左碗内仲有食物嘅咁！两个新地同两个刚炸好嘅香芋批掉埋同一个袋，冰火二重奏咩！？返到屋企一打开，一碗新地正常份量，另一碗根本就系迷你版！而且朱古力 酱少得好可怜 不过新地只系表面上溶左少少，里内仲系有啲实的，至于香芋批，个批唔会堂食咁，帮客人切开塞落个新地度，而系好似平时咁，一整个俾客人。香芋批刚炸起冇耐，外皮真系好脆，个馅有七成满而且好热，芋肉好粉，份量唔会太多亦唔会太少，洽到好处，先前仲怕厨房啲人会赶住俾客，未炸好就离炉，而搞到啲芋肉唔太熟。睇黎担心多左。整体上对食物系笑脸的，但啲员工……我想俾不少于一个喊脸啰！！两者加埋……今次俾Ok啦！