普洱

营业中

休息中

一心黎到饮「普洱」，自问唔钟意饮中茶，但为咗呢杯「普洱」不惜行到身水身汗。呢杯就系朱古力普洱！好值！唔会似坊间茶记嘅朱古力死甜，一开始饮到朱古力嘅味，之后就有淡淡茶味。普洱饮品以外，对于有咩食物好食一无所知，所以靠openrice推介。有人推荐芝士焗豆腐鱼柳饭，我本身都钟意食焗饭，重点系有芝士嘅焗饭，所以就叫呢个。卖相好靓，好多芝士系面，连隔离枱都话咁靓，讲紧系咩焗饭。芝士仲可以拉丝。第一次见豆腐焗饭呢个组合，软豆腐焗饭都特别。如果件豆腐系预先煎过会仲好。鱼柳系煎炸过，唯一败点系鱼柳偏咸。本身自己一般白汁，所以overall不过不失。焗饭水准唔错，有机会会试其他汁嘅焗饭。环境方面，适逢2人限聚令，4人卡位中间有个隔板，但都系4个人坐！？系social distance 上隔开啲感觉安全啲。呢点较不理想。