美心西餅 (屯門站)

营业中

休息中

屋企有小朋友生日， 喺美心买咗个蛋糕庆祝， 蛋黄哥同朱古力蛋糕之间， 佢拣咗黑森林蛋糕。黑魔王森林 两磅装$368外层有一块块黑朱古力片装饰， 中间有忌廉唧花､ 朱古力碎同四粒浸过朱古力既车厘子做装饰。切开蛋糕，中间有成五六层组成，朱古力蛋糕､牛油蛋糕､朱古力慕丝､车厘子甜酒忌廉， 蛋糕轻柔湿润 一贯美心松软嘅出品， 不过酒味都几浓， 唔系好啱小朋友口味。饼底系焦糖海盐脆脆，略嫌薄左少少， 可以厚啲仲好㖭！中间仲有流心嘅车厘子酱， 都几有惊喜，不过浸过甜酒唔多唔少有啲苦涩。成个蛋糕全部都系朱古力咁济，好浓朱古力味，钟意食朱古力嘅朋友应该会好钟意呢个蛋糕， 但系对朱古力一般般嘅就会觉得好漏。