媽咪雞蛋仔 (已結業)

劲耐冇食妈咪，喺旺角行过见倒口痕又想食，原来而家成个门面都唔同晒，差啲唔认得。虽然有四五部夹鸡蛋仔机，但因为都好多人帮趁，落单后都等左20分钟先有。香蕉朱古力鸡蛋仔＋朱古力雪糕($52) - 太耐冇黎，原来而家鸡蛋仔都有超过20款唔同口味，仲有分咸甜，格仔饼亦有几款拣。以前次次黎都系食朱古力鸡蛋仔，今次就试香蕉朱古力鸡蛋仔，而家仲有得加$20加两球雪糕，可以拣云呢拿或者朱古力，我当然拣朱古力啦。鸡蛋仔每粒都有朱古力酱喺入面，好浓朱味，不过香蕉味就唔太突出。雪糕朱味都ok，中间仲有朱古力碎喺入面，唔似系cheap雪糕，$20两大球都唔算贵。不过唯一唔好系加左雪糕会令鸡蛋仔变腍，亦唔方便逐粒搣黎食。特浓朱古力沙冰($33) - 除左鸡蛋仔同格仔饼，妈咪而家仲有好多野饮卖，冷热都有，选择都唔少，价钱同一般茶饮店差唔多。哩杯特浓朱古力沙冰朱味好浓郁，沙冰打得好滑，完全冇碎冰，啱晒我哩啲朱迷。