朱敏記桑拿菜 (已結業)

土瓜湾九龙城一带，除咗泰国菜多选择之外，地道嘅大排档都选择唔少，今次嚟咗朱敏记食佢哋嘅镬气小炒😚椒盐豆腐一上枱就香气扑鼻，椒盐味超级香口，配搭金黄外皮嘅软滑豆腐，简直滋味满泻，成个食欲都上晒嚟🤩台南炒蚬更加系有惊喜，每一粒片都沾满晒酱汁，食落咸香十足，但又唔会过咸，反而令到佢鲜味更加出，每粒都食到佢嘅鲜甜味，呢个简直系水准嘅表现😍爱蟹嘅我都叫咗焗奄仔蟹，一上枱已经流晒口水，蟹膏非常之甘香，而且食落好软糯，而且都食到蟹肉嘅鲜甜，食到我舔舔脷，一只接一只停唔到☺️今晚去食餐厅都几乎满座，而且餐厅环境系好接地气𠮶啲，食得都更有风味，迟啲想再食地道小炒，朱敏记值得再encore🥰