牛陣 (德福廣場1期)

营业中

休息中

好多人排队，等咗半个钟先入到去。不过我呢啲不嬲都食唔多嘅人嚟讲，嚟到呢啲自助餐地头都系凳脚嘅啫。环境算企理，少少逼；因为嘢食地方有限，有时攞嘢食𠮶阵撞正其他食客攞紧就要等等。大部分肉类就要靠餐厅职员帮手攞，不过都算快嘅。食材嚟计，我觉得几新鲜，大部分蔬菜同辅食都应有尽有。汤底多选择，梗有一款啱心水。甜品以haagen diaz雪糕为主，我去当晚有六款口味，当中以orange blossom最特别。我自己唔多嚟牛阵，感觉上好似点汤后第一轮牛肉同之后追加𠮶啲有出入，色泽唔同，口感都唔一样；又唔系唔好食嘅，唔知系咪关我哋点个餐事，系有啲奇怪啫。整体嚟讲值得推荐。