燧記廚房 (荔安大廈) (已結業)

西营盘附近开咗一间几有噱头的餐厅，主打全机械人制作，亦系香港唯一一间机械人餐厅。有煮食、清洁等等，都系以机械人一手包办。今日就入去试一试。店嘅选择虽然唔多，但系每一款都好吸引。因为我系食辣之人，所以每一款都好想试吓。店员落单之后你仲可以坐喺用餐区，一边欣赏机械人的烹煮。不过今次时间唔多，所以只系叫咗外卖返去慢慢品尝。唔好睇小佢系外卖，份量都几大份。黑椒牛柳套餐牛肉入咗洋葱同埋青椒爆炒，牛肉几大件，而且炒埋一齐好惹味！送饭一流。老干妈蒸排骨呢个蒸排骨有惊喜，可能新鲜热辣蒸，就算拎到返去食都系热辣辣。排骨都几有肉地，加上老干妈辣酱的麻辣，不会抢哂镜！攸県香干炒肉最钟意嘅豆干吸收晒辣椒的香味，而且豆干和肉切得薄薄地，好易入口！午餐仲送埋嘢饮！都系50几蚊到60蚊！原来外卖仲有九折，下次都不妨试吓其他四川风嘅小菜。